Bıyl memleket qarjysyna jalpy aýdany 135,6 myń sharshy metr bolatyn 37 turǵyn úı, ıaǵnı 2007 páter qurylysy júrgizildi. Jalpy aýdany 109,8 myń sharshy metr 1617 páterli 29 úı paıdalanýǵa berildi, qalǵan 8 turǵyn úı qurylysy jyl aıaǵyna deıin bitedi.
«Bereke» turǵyn úı keshenin tekserý barysynda Atyraý oblysynyń ákimi Nurlan Noǵaev úı turǵyzý kezinde barlyq qajetti jaǵdaılar esepke alynyp, qurylys mádenıeti saqtalýy kerektigin aıtty.
-Memlekettik baǵdarlama boıynsha páter alǵan adam oǵan qalaı jóndeý júrgizý keregin nemese qurylysshylardyń kemshiligin qalaı durystaýdy oılamaýy kerek, - dedi qaramaǵyndaǵylarǵa Nurlan Noǵaev. – Qabyldaý-tapsyrý aktisi qosymsha ózgertýler men qaıta túzetýsiz, barlyq jumystardyń aıaqtalǵanyn kórsetedi.
Aıta ketý kerek, 2018 jyly Atyraý qalasyndaǵy eki yqshamaýdanda («Bereke», «Nursaıa») jalpy aýdany 234,5 myń sharshy metr, 4 638 páterli 43 kóp páterli turǵyn úıdiń qurylysyn júrgizý úshin jobalaý-smetalyq qujattama daıyndaý júzege asady.
