Semeıde Abaıdyń latyn qarpindegi kitaby jurt nazaryna usynyldy

Kýrchatov qalasynda «Latyn álipbıi – bolashaqtyń baǵdary» atty dóńgelek ústel de uıymdastyryldy. Oǵan qalalyq ishki saıasat bóliminiń mamandary, qala mektepteriniń qazaq tili men ádebıet pániniń muǵalimderi, «Dostyq úıiniń» qyzmetkerleri, kitaphanashylar jáne mektep oqýshylary qatysyp, latyn álipbıiniń qazaq tilin damytýdaǵy róli jaıly jan-jaqty talqylady.

– Osy latyn tilindegi qor jınaǵymen Shyǵys Qazaqstan oblysyndaǵy taǵy biraz jerlerdi aralamaqpyz, – dedi Abaı atyndaǵy oblystyq kitaphana dırektory Gúlmıra Aıazbaeva, – bizdiń qorda 200-ge jýyq sırek basylym saqtaýly tur. О́s­kemen qalasyndaǵy A.S.Pýsh­kın atyndaǵy Shyǵys Qa­zaq­stan oblystyq kitap­hanasyna barǵanymyzda, ol jerge ShQMTÝ stýdentteri men BAQ ókilderi jınaldy. Elbasy N.Nazarbaevtyń «Bola­shaqqa baǵdar: rýhanı jań­ǵyrý» maqalasy aıasynda uıym­dastyrylǵan retro-kór­mede qoǵamdyq-saıası, halyq aǵartý isi, til bilimi, jara­ty­lysta­ný, densaýlyq saqtaý, aýyl­sha­rýashylyq, ádebıet­taný, tarıh ǵylymdary, kórkem ádebıet, ǵylym salalary, ta­tar tilindegi kitaptar men mer­zimdi basylymdardy tama­shalaǵan óskemendikter bizge rıza­shylyqtaryn bildirdi. Máse­len, Á.Ermekovtiń «Uly matema­tıka kýrsy» (1935j.), A.Mamyt­ulynyń «Densaýlyq jolynda» (1935 j.), T.Shonanulynyń «Orystarǵa qazaq tilin úıretkish» (1931j.), Tańqybaı (I.Jansúgirov) «Quq: satıralyq áńgimeler jınaǵy» (1935 j.) sııaqty júzdegen basylymdar latyn tilinde. Eń qundy qazynamyz «Abaı» shyǵarmalarynyń sol jyldardaǵy latyn árpindegi nusqasy deı alamyn.

Raýshan NUǴMANBEK,
jýrnalıst

Semeı