Densaýlyq saqtaý júıesin damytýǵa bólingen qarjy 781,4 mlrd teńgeni qurady

Densaýlyq saqtaý salasyndaǵy mem­lekettik saıasatty iske asyrý máse­lelerinde birqatar júıeli prob­le­malardyń saqtalyp otyrǵany anyq­taldy.

Densaýlyq saqtaýdyń baǵdar­la­malyq qujattaryn iske asyrýda júıe­liliktiń bolmaýy, dárilik zattardy jáne medısınalyq tehnıkany satyp alýǵa jumsalatyn shyǵyndardy josparlaý sapasy deńgeıiniń tómendigi atap ótildi.

Jekelegen densaýlyq saqtaý uı­ymdary men jergilikti atqarýshy or­gandar bıýdjettik baǵdarlamalar nátıjeleriniń kórsetkishterine qol jet­kizbeý, qarjylyq tártipti saq­ta­maý faktilerine jol bergen.

Stasıonarlyq kómektiń tósek qoryn tıimsiz paıdalaný fakti­le­ri anyqtaldy. Máselen, 2016 jyl ishinde Mańǵystaý obly­syn­da trav­ma­­to­logııalyq beıin­degi jáne Al­ma­ty oblysynda endokrı­no­logııa­lyq beıindegi sany 41%-ǵa jetken paı­da­lanylmaıtyn aýrýhana tósek­te­rin qaı­ta beıindeý boıynsha sharalar qabyldanbaǵan.

Densaýlyq saqtaý mınıstrligimen bir­lesip ótkizilgen medısınalyq teh­nı­kalardy satyp alýdy taldaý ja­bdyqtardy satyp alý tártibin reg­la­mentteıtin zańnamada eleýli olqy­lyq­tardyń bar ekenin kórsetti.

Aıtalyq, jergilikti atqarýshy organdardyń densaýlyq saqtaý uıym­da­ry úshin medısınalyq tehnı­kanyń qundyq jáne tehnıkalyq sı­pattamala­ryna mindetti saraptama júr­gizý týraly talap normatıvtik quqyqtyq aktilerde joq. Bul óńir­ler­de mamandandyrylǵan jabdyqty 0,5 mlrd teńgege joǵary qoıylǵan baǵamen, sondaı-aq somasy 8 mlrd-tan astam teńgege kepildikti servıstik qyz­met kórsetýge qoıylatyn talap­tar­­dy saqtamaı satyp alýǵa ákep soq­tyrǵan.

Densaýlyq saqtaý mekemeleriniń materıaldyq-tehnıkalyq jaraq­tan­dyrylýyna tıisti túrde monıtorıng júr­gizilmeýi sebebinen, mınıstr­liktiń alty vedomstvolyq baǵynysty uıym­ynda jalpy quny 0,7 mlrd teńge bolatyn, jumys istemeı turǵan 13 birlik jabdyq anyqtaldy. Jabdyqtardyń jumys istemeýiniń negizgi sebepteri tıisti mamandardyń bolmaýy já­ne jınaqtaýysh bólshekterdiń jetis­peý­shiligi bolyp tabylady.

Dárilik zattardy satyp alýǵa jum­salatyn shyǵyndardy jospar­laý­dyń qoldanystaǵy tetiginiń kemshi­lik­teri anyqtaldy, bul 2016 jyldan somasy 24 mlrd teńgeni quraıtyn qaldyq bola tura, 2017 jylǵa arnalǵan bıýdjetti qalyptastyrýǵa ákep soqtyrǵan. Bul ret­te bir óńirlerde birqatar medı­sı­nalyq preparattardyń jetispeýi, al basqa óńirlerde olardyń kóptigi baı­qalady.

Ulttyq skrınıngtik baǵdarlamany iske asyrýdyń júıesizdigi el halqy­nyń qýyqasty bezi, baýyr, óńesh jáne asqazannyń onkologııalyq aýrý­la­ryn erte anyqtaý turǵysynan pro­fı­laktıkalyq is-sharalarmen tolyq qam­tylmaýyna alyp keldi. 

Obyrdyń kórsetilgen túrlerinen ólim-jitimniń ulǵaıý úrdisi bola tura, Ońtústik Qazaqstan, Aqmola, Almaty, Jambyl jáne Mańǵystaý oblystarynda tıisti skrınıngtik zertteýler júrgizilmeýde. Aıtalyq Almaty oblysynda 2016 jyly qýyqasty bezi obyrynan bolatyn ólim-jitim 2014 jylmen salystyrǵanda 43%-ǵa, Jambyl oblysynda 53%-ǵa ósip otyr.

Halyqqa sanıtarııalyq avıasııa nysanynda medısınalyq jedel kómek kórsetý júıesinde eleýli kemshilikter anyqtaldy.

Atap aıtqanda áýe kemeleriniń jedel ótinimder boıynsha ushýda paı­dalanýǵa daıyndyǵyn qamtamasyz et­peıtin olardyń nashar tehnıkalyq jaı-kúıi men tıisinshe kútip-ustalmaý faktileri Esep komıtetiniń aldyńǵy aý­dı­torlyq is-sharalarynyń qory­tyn­dysynda da birneshe ret atalyp ótken.

Aıtalyq, sanıtarııalyq avıasııa qyzmetin kórsetetin 12 kompanııanyń ishinen segiziniń avıasııalyq parkin paıdalaný merzimi 30-dan 40 jylǵa deıin,  jekelegen áýe kemeleri qo­laı­­syz meteojaǵdaılarǵa jáne táý­lik­tiń tún­gi ýaqytynda ushýǵa teh­nı­kalyq beıim­delmegen, bul 2016 jy­ly 93 ushý­dy boldyrmaýǵa alyp kel­gen.

Memlekettik aýdıt qorytyn­dy­lary boıynsha somasy 31,2 mlrd teń­geg­e qarjylyq buzýshylyqtar, 31,4 mlrd teńgege 101 rásimdik buzýshylyq, 46,8 mlrd teńgege bıýdjet qarajatyn tıim­siz josparlaý jáne paıdalaný faktileri anyqtaldy.

Memlekettik aýdıt barysynda qar­jylyq buzýshylyqtar somasy to­lyq kólemde qalpyna keltirildi já­ne óteldi, 3 zańdy tulǵa jáne 14 laýa­zymdy adam ákimshilik jaýap­ty­lyq­qa tartyldy.

Esep komıteti otyrysynyń qory­tyn­dysy boıynsha Úkimetke tıisti usynymdar berildi. Densaýlyq saqtaý mınıstrligine anyqtalǵan buzý­shy­lyqtardy joıý boıynsha sharalar qabyldaý, bıýdjet jáne ózge de zań­nama talaptarynyń saqtalýyn qam­ta­masyz etpegen laýazymdy adam­dardyń jaýaptylyǵyn qaraý tapsyryldy, sondaı-aq basqa da birqatar tapsyrma berildi.

Aýdıttiń jekelegen materıaldary quqyq qorǵaý organdaryna jáne ákimshilik quqyq buzýshylyqtar týra­ly isterdi qaraýǵa ýákiletti or­gan­darǵa prosestik sheshimder qa­byl­daý úshin jiberildi, dep habarlady Esep komıtetiniń baspasóz qyzmeti.