Jańa anshlagtar qorap tárizdi jasalǵan, onda kóshe ataýy men úıdiń nómiri jazylǵan. Olardyń barlyǵy jaryqtandyrylǵan. Mańdaıshalardyń birazy kún batareıasynan qýattandyrylady, al qalǵany elektr júıelerine qosylǵan.
Jańa mańdaıshalar tek turǵyn úılerde ǵana emes, sondaı-aq memlekettik mekemelerde, shaǵyn jáne orta bıznes nysandarynda da ornatylady. Búginde Á.Álıhanov kóshesi boıyndaǵy ǵımarattarǵa olardy ornatý jumystary aıaqtalǵan.
– Qazybek bı aýdanynda jalpy somasy 35 000 000 teńgege barlyǵy osyndaı 1 521 mańdaısha ornatylatyn bolady, – deıdi Qaraǵandy oblysy ákimdiginiń josparlaý jáne abattandyrý bóliminiń jetekshisi Erbol Nýkıch. – Ázirge mundaı anshlagtar tek Astanada ǵana bar. Endi Qaraǵandyda bolady.
Jańa nusqaýlyqtarda QR-kody bar, ony smartfonnyń kómegimen oqýǵa bolady. Ol arqyly siz saıttaǵy paraqshaǵa kiresiz, ol jerde ǵımarattyń poshtalyq ındeksi kórsetilgen. Sonymen qatar onda birneshe bólim bar, bolashaqta olarda ǵımaratqa kimder qyzmet kórsetetini: PIK, elektrıkter, santehnıkter týraly málimetter ornalastyrylady. Sol jerden atalmysh úıge qaı mekemelerdiń qyzmet kórsetetinin bilýge bolady: emhana, balabaqsha, mektep jáne t.b. Bul aqparattardy sáýlet bólimimen keliskennen soń PIK ókilderi toltyryp otyrady.
Bolashaqta Oktıabr aýdanynda da dál osyndaı 2 326 jańa mańdaısha ornatylmaq. Olardyń 2090-y turǵyn úılerde, 236-sy memleketik mekemeler men shaǵyn jáne orta bıznes nysandarynda ornatylady. Ol úshin 17 465 000 teńge jumsalmaq.
Mıras ASAN,
«Egemen Qazaqstan»
Qaraǵandy oblysy
