Bir jyl boıy arnaıy mereıtoılyq is-sharalar elimizde jáne shetelde túrli formattarda uıymdastyrylýda.
Osy jyldyń shilde aıynda Astanada EKSPO-daǵy Ulybrıtanııanyń Ulttyq pavılonynda jazýshynyń aǵylshyn tilinde jaryq kórgen shyǵarmalar jınaǵynyń tusaýkeseri ótti. Tusaýkeser rásimine Qazaqstannyń zııaly qaýym ókilderi jáne jazýshynyń kitabyn aǵylshyn tiline aýdarýǵa belsendi qatysqan Ulybrıtanııanyń óner qaıratkerleri, Rahıma Abdýalıeva, Sara Pamela ı Davıd Papava qatysty.
Osy jyldyń qazan aıynda Mádenıet jáne sport mınıstrligi men Qazaqstannyń Ulybrıtanııadaǵy Elshiliginiń qoldaýymen Londonda jazýshynyń mereıtoıyna arnalǵan teatr festıvali ótti. Festıvalǵa Dýlat Isabekovtiń «Jaýjúrek» jáne «Aktrısa» qoıylymdaryn M. Áýezov atyndaǵy Qazaq memlekettik akademııalyq drama teatry, Memlekettik respýblıkalyq koreı mýzykalyq komedııa teatry sátti kórsetti.
Mereıtoılyq sharalar qataryn 17 qarasha kúni Q.Qojamııarov atyndaǵy Memlekettik respýblıkalyq uıǵyr mýzykalyq komedııa teatry Shymkent qalasynda «Muragerler» qoıylymynyń tusaýkeserimen jalǵastyrmaq.
Mınıstrliktiń tapsyrmasy boıynsha Sh.Aımanov atyndaǵy «Qazaqfılm» kınostýdııasy sseranıı avtory jazýshy-dramatýrg Dýlat Isabekov bolyp tabylatyn «Balýan Sholaq» fılminiń túsirilimin bastady.
Aıta keteıik, Almatyda 2012 jyly Dýlat Isabekovtyń 70 jyldyǵyna arnalǵan «Isabekov Álemi» Halyqaralyq teatr festıvali ótti. Festıvalge dramatýrg D.Isabekovtyń pesalary boıynsha sahnalanǵan qoıylymdarmen 12 teatr ujymy, onyń ishinde alty alys-jaqyn shet elderdiń jáne alty qazaqstandyq teatr ujymdary qatysty. 2014 jyly Londonda onyń «О́kpek jolaýshy» atty týyndysy sahnalandy. Sondaı-aq, Mınıstrliktiń «Áleýmettik mańyzy bar ádebıetter» bıýdjettik baǵdarlamasy boıynsha Dýlat Isabekovtiń «Tańdamaly shyǵarmalary» jaryq kórdi.
