Is-shara 7 jyl ishinde halyqaralyq jáne otandyq jetkizýshilerge arnalǵan jalpy respýblıkalyq dıalog alańyna aınalyp úlgerdi. О́tken jylǵy forýmdar otandyq óndirispen baılanysty máselelerdi jete túsinip, damytý úshin jaǵdaı jasady. Qalyptasqan dástúrge saı is-shara aıasynda jergilikti óndiristiń jetistikteri men múmkindikterin ashyp kórsetýge arnalǵan qazaqstandyq ónimdi shyǵaratyn kásiporyndar men jetkizýshilerdiń kórmesi ótedi.
«Qazaqstandyq ónim jasaımyz» forýmynyń alańynda taý-ken metallýrgııa salasyndaǵy 100-den asa kompanııa bas qosady dep josparlanǵan. Forým ımport almastyrýmen baılanysty basty qajettilikterdi belgilep, osy arqyly shaǵyn jáne orta bıznestiń ary qaraıǵy qyzmet aıasyn anyqtaıtyndyqtan, is-sharany ótkizý Qazaqstan Respýblıkasynyń ekonomıkasynda asa mańyzdy ról oınaıdy.
Is-shara QR Investısııalar jáne damý mınıstrliginiń, Kazakhmys Holding» JShS, Eurasian Resources Group, «KazZinc» JShS, KAZ Minerals Toby jáne «Qazaqaltyn» TKMK» AQ-nyń qoldaýymen ótkizilýde.
Qazaqstan Respýblıkasynyń eń iri taý-ken metallýrgııalyq kompanııalarynyń jergilikti mazmun úlesi 2017 jyldyń 9 aıy ishinde 64,02 paıyzdy qurady. Aqshalaı sanaǵanda qazaqstandyq jetkizýshilerden satyp alynǵan taýarlar, jumystar men qyzmetterdiń quny 570 mlrd teńgeden asty. Jyl sońyna qaraı kompanııalardyń («Kazakhmys Holding» JShS, Eurasian Resources Group, «KazZinc» JShS, KAZ Minerals Toby jáne «Qazaqaltyn» TKMK» AQ) boljanǵan jıyntyq kórsetkishi 66,98% paıyzdy nemese 951,76 mlrd teńge quramaq.
Qazaqstandyq mazmundy damytý isi Qazaqstan Respýblıkasy úshin strategııalyq jáne áleýmettik úlken mańyzǵa ıe jáne de ol Elbasy N. Nazarbaevtyń Qazaqstan halqyna joldaýyna sáıkes júzege asyrylýda.
