Eki qozǵaltqyshy bar áýe kemesimen Pavlodardan Baıanaýylǵa deıin 16 jolaýshy ushyp keldi. Olardy kezinde aýdan ortalyǵymen áýe qatynasyn jandandyrýdy usynǵan aımaq basshysy da boldy. Eki aradaǵy joldyń uzaqtyǵy – 40 mınýt.
Áýe reısine «Jezqazǵan Eır» kompanııasy qyzmet kórsetti. Bul fırmanyń jergilikti áýe jelilerine qyzmet kórsetýde baı tájirıbesi bar.
- Búgin biz alǵash ret Pavlodar men Baıanaýyl arasynda áýe reısin jasadyq, - dedi ushaqtyń kapıtany Sergeı Terehov. – Reıs oıdaǵydaı ótti. Baıanaýyldaǵy aerodrom ushaqtardy qabyldaýǵa tolyqtaı daıyn dep oılaımyn.
Qazirgi kezde aerodrom tolyqtaı qorshalǵan. Mamandar ushý-qoný alabynyń aýmaǵynda qosymsha ınfraqurylymnyń qurylysy máselesimen aınalysyp jatyr.
Farıda Byqaı,
«Egemen Qazaqstan»
Pavlodar
