Dəl búgin shved fýtbolshylaryna qandaı maqtaý aıtsań da jarasady. Tabandylyq tanytty. Azýly qarsylastarynan abdyrap qalǵan joq. Namysty eken. Jigerlerin janyp turǵanyn kózderinen kórýge bolady. Jankeshtilikteriniń arqasynda jeńiske jetti. Italııa quramasy she?
Qos oıynnan keıingi qorytyndymyz: búgingi Italııa quramasy qaýqarsyz. Aqylsyz. Aılasyz. Antıfýtbol. Pırlo sııaqty aqylmen oınaıtyn arlandary joq. Tottı she? Teńbil dopty túzý tebetin tarlan edi, shirkin. Balalyǵy basym bolsa da Bolottelı bir oıynnyń taǵdyryn bir ózi sheshetin. Minezi bolǵanymen, Manolodan ne paıda? Ikemsiz Immobılıe de túk bitire almady. Bonýchchı baryn salmady.
Bas bapkerdi kinəlaımyz ba? Top klýbtardy tizgindep kórmegen, təjirbıesiz Djan Pero Ventýroǵa senim bildirgen Italııa fýtbol basshylaryn aıyptaımyz ba?
Bizdińshe, məsele tereńde jatyr. Cońǵy jyldary "skýadra adzýrra" fýtbolyn jaılaǵan jemqorlyqta sııaqty. Ishki birinshiliktegi bəsekesizdikte qosyńyz. Búgingi Italııa fýtbolyndaǵy temirdeı tərtipttiń joqtyǵyna kelip tireletindeı me?
Bizge Italııa quramasynyń jigersizdigin emes, ataqty Býffonnyń kóz jasyn kórý aýyr tıdi. Obal boldy. Italııanyń boıtumaryna aınalǵan qaqpashynyń eńirep jylaǵany júregimizdi eljiretti. Djıdjı dəl osylaı ulttyq quramamen qoshtasýǵa laıyq emes edi. Aty ańyzǵa aınalǵan qaqpashy karerasyndaǵy altynshy álem birinshiligine qatysyp, jahandyq rekord ornatyp, armansyz ketýge əbden laıyq bolatyn. Býffonmen birge Italııa fýtbolynyń tutas bir dáýiri ketip barady. Qosh bol, DjıDjı!
Erkebulan Jomart
