Sýret: hindustantimes.com
Eldegi bılik partııasy ZANÝ-PF (Zımbabve Afrıkalyq ulttyq odaǵy – Patrıottyq front) el basshysynyń qamaýǵa alynǵanyn rastady, dep habarlady ulybrıtanııalyq The Sun portaly.
ZANÝ-PF arnaıy málimdeme jasap, bul qadamnyń «ulttyń saýlyǵy úshin» jasalǵanyn aıtty. «Zımbabve de, partııa da Mýgabege de, onyń áıeline de tıesili emes. Búgin jańa dáýir bastaldy» - delingen partııa málimdemesinde.
BBC jergilikti BAQ-qa súıene otyryp, Mýgabe qyzmetinen bas tartýǵa daıyndalyp jatqanyn, al onyń izbasary onyń áıeli emes, vıse-prezıdent Emmerson Mnangagva bolatynyn jazady. Partııa málimdemesinde «Joldas Mnangagva Zımbabveni jaqsyraq etýge kómektesedi» delingen.
General Moıonyń málimdemesine deıin birneshe saǵat buryn qala kóshelerinde sarbazdar men áskerı tehnıka kóbeıgen. SNN bul oqıǵany Mýgabeniń bir apta buryn vıse-prezıdent Emmerson Mnangagvany jumystan bosatýyna jaýap retinde baǵalap otyr.
SNN Greıs Mýgabeniń eldegi abyroıy joǵary emes ekenin jazady. Jergilikti halyq onyń qymbat dúkenderge jıi barǵany úshin «Gýchchı Greıs» dep atap ketken. Halyqtyń jaǵdaıy nashar kezde prezıdent jarynyń qymbat dúnıelerge qyzyǵýy onyń bedelin túsirse kerek.
Al Mnangagva bolsa, ásker men qaýipsizdikke jaýapty organdardyń qoldaýyna ıe. 75 jastaǵy saıası qaıratker qyzmetten ketken soń kózden tasa bolǵan, qazir onyń qaıda ekeni belgisiz.
