Osymen on segizinshi márte uıymdastyrylyp otyrǵan dástúrli ulttyq joba saıasattan tys kommersııalyq táýelsiz joba bolyp sanalady. Iаǵnı, jobanyń barlyq shyǵyndaryn ulttyq demeýshiler óteıdi. Bul saltanat tek bizdiń elimizde ǵana emes, baýyrlas О́zbekstan men Qyrǵyzstanda, sonymen qatar Ýkraına men Belarýs elderinde de ótkiziledi. «Jobanyń basty maqsaty – Otanǵa degen shynaıy súıispenshilik. «Altyn adam» syılyǵy tegin tabys etiledi jáne aqshalaı súıemeldenbeıdi, onyń jalǵyz balamasy – qoǵamnyń qurmeti men rızashylyǵy» deıdi uıymdastyrýshylar.
Jeńimpazdardy irikteý elimizdiń basty aımaqtarynda júrgizilgen áleýmettik saýalnama nátıjesi men arnaıy sarapshylardyń zertteýi men baǵalaýy arqyly iske asady. Elimizdiń tanymal tulǵalarynan quralǵan qazylar alqasy qoǵamdyq pikirdi esepke alyp, eńbekteri, qaısarlyqtary, erekshe daryndary men jomarttyqtary elimizdiń shynaıy ıgiligine aınalǵan Qazaqstandyqtardy anyqtady. Bıylǵy joba mádenıet, bıznes, medısına, óner jáne sport salalarynda dara dep tanylǵan azamattar men uıymdardy marapattady. Sonymen «Jyldyń №1 Tańdaýy» atalymynda «Retro» radıosy úzdik radıo, «KTK» telearnasy úzdik telearna, «Nur.kz» aqparattyq portaly men «Novoe pokolenıe» qoǵamdyq-saıası gazeti jeńimpaz dep tanyldy. «Egemen Qazaqstan» gazeti de osy atalym boıynsha «Memlekettik tildegi jyl basylymy» dep tanylǵanyn erekshe aıta ketken jón.
«Altyn adam» jáne «Qoǵamdyq tanylý» marapattary birqatar azamattarǵa usynyldy. Naqtyraq aıtsaq, Erkin Botaqanov otanǵa qyzmeti úshin, Irına Tájibaeva úzdik bilim qaıratkeri, Olesıa Keksel úzdik memlekettik qyzmetker, Aleksandr Medvedev úzdik muǵalim, Qanat Islam jyl sportshysy, Asqar Kýlıbaev otanǵa qyzmeti úshin, Talǵat Temenov úzdik mádenıet qaıratkeri, Murat Nurseıitov jyl polısııasy, Nurlan Dalbaı úzdik músinshi, Karına Abdýllına, Dana Muqanova, Valıhan Mýsın, Sáýle Súleımenova shyǵarmashylyq jetistikteri úshin, Iýrıı Sınıavskıı, Sergeı Aparın, «NS radıosy» kásibı jetistikteri úshin, Jaqyp Asanov demokratııalandyrý men ashyq qoǵam qalyptastyrýǵa qosqan úlesi úshin, Artýr Platonov qoǵam men bılik arasynda úzdik baılanys ornatqany úshin, «Dos-Muqasan» ansambli ulttyq ıgilikteri úshin joǵary marapatqa ıe boldy.
Ár jyly úzdiksiz ótkizilip kele jatqan biregeı joba san salada jan-jaqty qyzmet jasap kele jatqan azamattar men uıymdardy marapattap, aınalaǵa shapaǵat shýaǵyn shashyp qysylǵanǵa qoldaý tanytqan jany jomart jandardy basqa qoǵam múshelerine úlgi etýdi kózdeıdi.
Arman OKTIаBR,
«Egemen Qazaqstan»
ALMATY
