– Jyl aıaqtalyp keledi. Osy ýaqyt ishinde kóp jumys atqaryldy. Biz EKSPO kórmesin, Islam yntymaqtastyǵy uıymynyń ǵylym jáne tehnologııalar jónindegi sammıtin ótkizdik. Basqa da salalardaǵy jobalardy júzege asyryp jatyrmyz. Jalpy, ekonomıkamyz turaqty damyp keledi, – dedi Elbasy.
Baqytjan Saǵyntaev Qazaqstan Prezıdentine bıylǵy 10 aıdaǵy áleýmettik-ekonomıkalyq damýdyń qorytyndylary jóninde baıandap, birneshe kórsetkishter men ındıkatorlar boıynsha oń ózgeris bar ekenin atap ótti.
– Bıylǵy 10 aıdyń qorytyndysy boıynsha ishki jalpy ónim 4 paıyzǵa ósti. Barlyq 6 sala boıynsha qysqa merzimdi ekonomıkalyq ındıkatorlardyń oń ósimi baıqalýda. Sondaı-aq, jyl sońyna deıin elimizdiń kólik-tranzıttik áleýetin arttyrýǵa baǵyttalǵan jobalardy iske asyrý arqyly jaqsy nátıjege qol jetkizemiz degen oıdamyz, – dedi Premer-Mınıstr.
Budan bólek, Baqytjan Saǵyntaev Nursultan Nazarbaevty jalpy kapıtalǵa salynǵan ınvestısııa kólemi 6,5 paıyzǵa óskeni jóninde habardar etti. Premer-Mınıstr bul ındıkator boıynsha negizgi ósim el ekonomıkasyna tartylǵan jeke ınvestısııalar kóleminiń artýy esebinen bolyp otyrǵanyn aıtty.
Sońynda Memleket basshysy birqatar naqty tapsyrma berdi.
