Sybaılastar sottaldy

Anglııanyń Joǵarǵy soty BTA banktiń Áblıazov pen burynǵy basshylaryna qatysty atalǵan banktiń talap-aryzyn qaraý barysynda Polý Kıfreotısti sotty syılamaǵany úshin 1 jyl 9 aı túrmege jabý týraly sheshim qabyldady. Pol Kıfreotıs Áblıazovtiń negizgi sybaılastarynyń biri jáne ol Kıprde Áblıazovtiń of­fshor­lyq kompanııa júıesin bas­qarǵan. Buǵan qosa Kıfreotıs pen onyń qyz­metkerleri ondaǵan of­fshor­lyq kompanııalardyń negizgi aksıonerleri, benıfısarlary jáne dırek­tor­lary  bolyp tabylady. Olar osy kompanııalar arqyly BTA bank­tiń urlanǵan qarjy­la­ryn bas­qa bankterge aýdaryp otyrǵan. Kıfreotıs 300 mln. dollar somasyndaǵy qundy qaǵazdardyń urlanýyna baılanysty shyǵyn­dar­dy talap etip otyrǵan BTA bankke qarasty kompanııalarǵa, Áb­lıazovke, Solodchenkoǵa jáne basqa da adamdarǵa qatysty BTA banktiń aryzyna jaýap berýshi bolyp tabylady. Osy talap-ar­yz­ǵa sáıkes, Anglııanyń joǵarǵy soty Kıfreotısten óziniń aktıvteri, sondaı-aq aqshalaı qarjy­nyń qaıda aýdarylǵandyǵy týra­ly aqparattardy ashyq aıtýdy talap etti. Kıfreotıs sotqa jalǵan aqparat bergendigin moıyndady. Onyń málimdeýinshe, ol jaýap berýshi keıbir adamdardyń tarapy­nan qysym kórgen. Buǵan qosa, bank Kıfreotıstiń Áblıazov pen onyń  qaıynaǵasy Sha­labaevtan 4,5 mln. fýnt tó­leýdi talap etkendigi týraly hatty sotqa tapsyrdy. Kıfreotıs – Brıtanııanyń aza­maty, Kıprde turady. Bank osy sheshimniń Kıprde moıyndalýy jónindegi múmkin bolǵan shara­lardy qarastyrýda. Sondaı-aq Kıfreotısti «sotty syılamaǵany úshin kináli» dep tabý jóninde Kıprde osy eldiń zańy boıynsha jeke prosess bastalmaq. Kıfreotısti túrmege qamaý týraly úkimniń shyǵarylýy – osy iske qatysty úshinshi oqıǵa. О́ıtkeni Anglııanyń Joǵarǵy soty buǵan deıin BTA banktiń talap-aryzy boıynsha Shalabaev pen Stepanovqa qatysty dál osyndaı úkim shyǵarǵan bolatyn. Áblıazov pen onyń zańgerleri sot prosesin toqtatý nemese mezgilin sozý maqsatynda múmkin bolǵan barlyq qadamdarǵa barýda. Degenmen Áblıazovti sotty syılamaǵany úshin jaýapqa tartý prosesi 2011 jyly 28 qarashada bastalady. «Egemen-aqparat».