Memlekettik aktıvter tıimsiz paıdalanylǵan

Esep komıtetiniń baǵalaýy boıynsha Aeroǵarysh komıtetiniń ǵarysh qyzmeti salasyndaǵy mem­lekettik saıa­satty iske asyrý kezinde bıýdjet qa­ra­jaty men memleket aktıvterin paı­­dalaný tıim­di­ligi jetkiliksiz.

Atap aıtqanda, ǵarysh ınfra­qu­rylymy obektilerin qurýǵa, paıda­la­ný men jetildirýge jumsalatyn shy­­ǵyndar normatıvteri ázir­len­be­gen. 

Reseı tarapynan qabyldanǵan «Baıqońyr» kesheniniń 109 obekti­sin paı­dalaný perspektıvalary men teń­gerim ustaýshysy aıqyndalmaǵan, 2009-2017 jyldar aralyǵynda olardy qor­ǵaýǵa jumsalǵan shyǵyn 742,0 mln teńgeni qurady.

Qazaqstan Respýblıkasynyń 2020 jylǵa deıingi Strategııalyq da­­mý jos­pa­rynda kózdelgen Astana qa­­­lasyn­da­ǵy Ǵarysh apparattaryn qu­­rastyrý-sy­naý kesheniniń qury­ly­syn 2015 jyly aıaq­taý qamtamasyz etilmegen.

2017 jyly Aeroǵarysh komıteti mem­lekettik organdar men uıym­dar­ǵa ǵarysh túsirilimderin berý qyz­met­te­rin kórsetýge «Qazaqstan Ǵarysh Sa­­­pary» UK» AQ-pen jasalǵan shart­tyń somasyn negizsiz ulǵaıtý bó­li­ginde jalpy somasy 694,9 mln teń­gege memlekettik satyp alý týraly zań­nama talaptarynyń buzylýyna jol bergendigi anyqtaldy.

Kvazımemlekettik sektor sýb­ek­­­­ti­leriniń jarǵylyq kapıtalyn ul­­ǵaı­týǵa bólinetin bıýdjet qara­ja­tyn qaıtarý jáne odan ári paıdalaný tetiginiń joq ekendigi anyqtaldy. Aı­­talyq, «KazSat-3» ǵarysh appara­tyn jasaý jáne ushyrý jobasyn is­ke asyrý úshin alynǵan 0,6 mln teń­ge mól­sherindegi qarajat qaldyǵy 2015 jyl­dan beri «Res­pýblıkalyq ǵarysh­tyq baılanys or­ta­lyǵy» AQ-tyń shotynda esepke alynǵany atap ótildi.

«Qazaqstan Ǵarysh Sapary» UK» AQ-tyń 2011-2020 jyldarǵa arnalǵan damý strategııasynyń kór­setkishteri memlekettik josparlaý júıesiniń qoldanystaǵy qu­jat­ta­ryna sáıkes kel­meıdi, onyń 2016-2020 jyldarǵa ar­nalǵan damý jospary búgingi kúnge deıin bekitilmegen. 

«Qazaqstan Ǵarysh Sapary» UK» AQ jol bergen jalpy somasy 2 848,7 mln teńgege «Ǵarysh apparattaryn qurastyrý-synaý keshenin salý» jobasy sheńberinde jabdyqtardy satyp alý boıynsha shyǵyndardy kiriske alý bóliginde býhgalterlik esepti júrgizý tártibiniń buzýshylyqtary anyqtaldy.
Aeroǵarysh komıtetiniń vedom­st­vo­lyq baǵynysty uıymdary jol ber­gen sapasyz oryndalǵan jumys kó­­le­min qabyldaý, tehnıkalyq qada­ǵa­­laýdyń súıemeldeýinsiz qurylys-mon­­taj jumystaryn oryndaý já­ne obektiler qurylysynyń nor­ma­tıv­tik merzimin saqtamaý bóliginde sáý­let, qa­la qurylysy jáne qurylys qyz­­meti tý­raly zańnamanyń buzyl­ǵan­dyǵy anyq­taldy.

Memlekettik aýdıt qory­tyn­dy­lary boıynsha Esep komıteti jal­­py somasy 3 637,7 mln teńgege qar­­jylyq buzýshylyqtar, 646,1 mln teń­­gege bıýdjet qarajatyn tıimsiz paı­­dalaný jáne 24 812,5 mln teńgege 36 rásimdik buzýshylyq faktisin anyqtady. 

Memlekettik aýdıt barysynda 2 640,8 mln ótelip, qalpyna keltirildi, sonyń ishinde respýblıkalyq bıýdjet ki­risine  – 11,4 mln teńge, býhgal­ter­lik esep boıynsha – 2 562,9 mln teń­ge jáne jumystardy oryndaý, qyz­mett­er kórsetý arqyly – 66,5 mln teńge.

Memlekettik aýdıttiń jekelegen materıaldary ákimshilik quqyq buzý­shy­lyqtar týraly isterdi qaraýǵa ýákiletti organdarǵa prosestik she­shim­­der qabyldaý úshin jiberildi, dep ha­barlady Esep komıtetiniń baspasóz qyzmeti.