Kitapta ult tarıhyna baılanysty ejelgi dáýirden kúni búginge deıingi negizgi uǵymdary tolyqqandy baıandalyp, onyń máni men mańyzy, negizgi uǵymdary jaıynda oramdy oılar aıtylǵan. Sonymen qatar, ǵylymı-teorııalyq negizderi saralanyp, tarıhnamalyq, derektemelik taldaý jasalǵan.
Oqý quraly 5 bólimnen turady. Onda Qazaqstannyń kóne dáýiriniń tarıhy men arheologııalyq zertteýleri, XVIII-XX ǵasyrlar basyndaǵy ult tarıhyna qatysty derektemeler men elimizdiń táýelsizdik jyldaryndaǵy tarıhynyń neǵurlym mańyzdy kezeńderi qamtylǵan. Sondaı-aq, Memleket basshysynyń «Qazaqstan-2050» strategııalyq baǵdarlamasynyń basym baǵyttary men mindetterine tarıhı kózqaras turǵysynan sholý jasalǵan.
– Tól tarıhymyzdy oqytý barysynda mamandardyń aldynda jas urpaqtyń sanasynda jańa qazaqstandyq patrıotızmdi ornyqtyrý máselesi basty mindet bolyp otyr. Bul óz kezeginde jastardyń ulttyq sana-sezimi men ultjandylyǵyn damytýǵa, olardyń tarıhı jáne áleýmettik jadysyn shyńdaýǵa sep bolmaq. Pedagogtar shákirtterge «Máńgilik el» ulttyq ıdeıasyn elimizdi mekendeıtin barlyq halyqtar qacterleıtin jetekshi ıdeıa retinde túsindirip, onyń ǵylymı negizdemecin jacap arnaıy oqytýǵa da erekshe mańyz berilýde. Dál ocy kózqarac turǵycynan qaraǵanda elimizdiń joǵary oqý oryndarynda bilim alyp jatqan stýdentterge óz mamandyǵyna saı bilim berip ǵana qoımaı, olardyń ulttyq cana-cezimin qalyptactyratyn arnaıy oqý quraldary men tanymdyq dúnıeler shyǵarý qajettiligi týyndap otyr, – deıdi kitap avtory.
E. Berlibaevtyń aıtýynsha, qazirgi kezeńde Qazaqstannyń tarıhnamasy men derektemesi páni boıynsha oqý quraldary jetispeıdi. Ult tarıhynyń áli de bolsa jete qarastyratyn qaltarystary barshylyq.
– Kitapta buryn syńarjaq qarastyrylyp kelgen tarıhı oqıǵalarǵa jańasha baǵa berýmen qatar, qazaq tarıhyndaǵy kezinde jazýǵa tyıym salynǵan «aqtańdaq» betterin búgingi bıik talaptar turǵysynan saralanyp, ǵylymı turǵyda qaıta zerdelendi. Oqý quraly joǵary oqý oryndarynda bilim alyp júrgen stýdentterdiń tarıhı sanasyn búgingi ýaqyt sheńberinde qalyptastyrýda súbeli úles qosady degen oıdamyz, – dep atap ótti ol.
