О́ziniń kórmesimen jurtshylyq aldyna jyl saıyn merekelerde shyǵyp otyrady. Bıyl da Teńgeniń shyqqan kúnine baılanysty Ulttyq bank fılıalynyń ǵımaratynda kórmesin kópshilikke usyndy. 45 jyldan beri aqshanyń túr-túrin jınap kele jatqan Alekseı Petrovıchtń qolynda qansha dana aqsha ber ekenin aıtyp jatýdyń ózi artyq sekildi, onyń aıtýynsha óte kóp. «Tek taza kúmisten soqqan monetanyń ózi 300 danadan asady. Jyl saıyn kórmemdi jaıyp otyramyn, ondaǵy maqsatym jas urpaqqa patrıottyq tárbıe berýge úles qosý. Aqshamyz da Gerb, Tý, Gımn sekildi memlekettik sımvolymyzdyń biri ǵoı» deıdi kolleksıoner ustaz.
Alekseı Altýhovtyń kolleksııasy sońǵy jyldary tek ulttyq valıýtamen tolyǵyp keledi. Ol ulttyq monetalardyń eshqaısysyn qaldyrmaı alyp otyrady.
Alekseı Petrovıchtiń ózi teńgeniń tarıhynan sabaq ótkizedi. Ulttyq valıýtanyń tarıhyn eldiń, memlekettiń tarıhynan bólip qaramaıdy. «Qazaqstan Respýblıkasynyń ulttyq valıýtasy» atty oqýlyq avtorynyń biri. Kitapty «Qarjy jáne nesıe» mamandyǵy stýdentteri paıdalanady.
Názıra Járimbet
«Egemen Qazaqstan»
Qostanaı
