Bul sharany kóktemgi, kúzgi shaqyrylym kezderinde turaqty túrde ótkizý - dástúrli úrdiske aınaldy. Shara barysynda 5573 áskerı bóliminiń basshylyǵy men Astana qalasy Qorǵanys ister jónindegi departamenti kúzgi shaqyrylym boıynsha 50 azamatty saltanatty túrde shyǵaryp saldy. Astana qalasy jáne Aqmola oblysynan shaqyrylyp otyrǵan bolashaq sarbazdar Ulttyq ulannyń Almaty qalasynda ornalasqan 5571 áskerı bóliminde Otan aldyndaǵy mindetterin óteıtin bolady.
Shaqyrylýyshalar ǵana emes, olardyń ata-ana, týǵan-týystary, mektep oqýshylary qatysqan jıynda óskeleń urpaqty patrıottyq rýhta tárbıeleý baǵytynda keshendi jumystar uıymdastyryldy. Oqýshylar men qonaqtarǵa, bolashaq Otan qorǵaýshylarǵa áskerı qyzmetshilerdiń jaýyngerlik daıyndyǵy, turmys-tirshiligi, áskerdiń qarý-jaraq jáne tehnıkasy tanystyryldy. Sonymen qatar, qonaqtarǵa merzimdi áskerı qyzmetshilerdiń atqaratyn negizgi mindetterin baıandaıtyn fılm kórsetildi, qurmet qaraýyl rotasynyń qabilet-óneri pash etildi.
Áskerı bólimniń mádenı ortalyǵynda sarbazdar «Elimniń saqshylary», «Sarbazdar», «Ana» jáne «Qala kúzetinde» syndy ánder shyrqap, kópshilik nazaryna konserttik baǵdarlama usyndy.
Astana qalasy Qorǵanys isteri jónindegi departamenti bastyǵynyń orynbasary podpolkovnık Ǵanı Artyqov Qazaqstan Respýblıkasy Qarýly Kúshterinde qyzmet etý – ár azamattyń mindeti, al Otan qorǵaý – qasterli borysh ekenin aıtty. Ol sondaı-aq, osyndaı deni saý, jaýapty perzent tárbıelegeni úshin ata-analarǵa alǵys bildirip, bolashaq sarbazdarǵa qıyndyǵy mol áskerı qyzmette tabys, abyroı, sáttilik tiledi.
Shaqyrylýshylar kúnin ótkizýdegi basty maqsat – jas urpaqty patrıottyq rýhta tárbıeleýdi, Ulttyq ulan qataryndaǵy áskerı qyzmetti ashyq kórsetýdi, quqyqtyq tártip áskeriniń qoǵam aldyndaǵy bedelin arttyrý bolatyn.
- Men Astana qalasynan áskerge ketkeli otyrmyn, keýdemdi maqtanysh sezimi kernep tur. Nege deseńiz, men sál kúnde ulandyq atanyp, elimdi ǵana emes, óz tegimniń de abyroıyn qorǵamaqpyn. Áskerı adam ár iste jaýapty, qyraǵy ári tózimdi bola bilý kerek dep esepteımin. Sondyqtan da, óz qurbylaryma abyroıly qyzmet etýin tileımin. Aldymyzda kútip turǵan úlken ómir mektebi bizdi shyńdap, naǵyz azamatqa aınaldyrsyn, – dedi bolashaq jaýynger Nurjan Ermenov.
Mektepten endi ǵana túlep ushyp, shattyqqa bólenip, ýaıymsyz qydyryp júrgen bozbalalardy alda jaýapty ómir, jańa joldastar, úlken mindetter kútip tur. Elimizdiń ár tarapynan kelgen jańa dostarymen bir sapta ortaq Otanymyz – Qazaqstan Respýblıkasynyń tynyshtyǵy men qaýipsizdigin qamtamasyz etetin bolady.
