Basylym tilshisiniń "BAQ týraly jańa zańnyń baptaryna qalaı qaraısyz?" degen suraǵyna Darhan Qýandyquly birneshe bapqa erekshe toqtalyp ótti. "Jańa zańda memlekettik organdar jýrnalısterdiń resmı saýaldaryna 15 kúnniń ishinde jaýap beredi delingen. Árıne, gazet basshysy retinde men memlekettik organdardyń jýrnalıster saýalyna jyldam ári sapaly jaýap qaıtarǵanyna múddelimin. Degenmen, 15 kúnniń ishinde saraptamalyq, statıstıkalyq jáne basqa da aqparattardy tolyq daıyndaýǵa jaqsy múmkindik týady", dedi. О́z sózinde "Egemen Qazaqstan" basshysy buryn baspasóz qyzmetinde jumys istegen tájirıbesine toqtalyp ótti. "Gazetke deıin men baspasóz qyzmetinde jumys istegenmin. Sol kezde osyndaı máselelermen jıi betpe-bet keldim. Qazir quqyqtyq saýattylyq artty. Iаǵnı, jeke adamdardan keletin ótinishter kóbeıdi. Buqaralyq aqparat quraldarynyń sany da artyp jatyr. Zań boıynsha "Egemen" men keshe ǵana ashylǵan saıttan túsken saýaldyń statýsy birdeı. Osynyń barlyǵyn eskerip, memlekettik organdaǵy baspasóz qyzmetkerleriniń árqaısysynyń aldynda kúndelikti qansha hat keletinin elestetip kórińizder", dedi Darhan Qydyráli.
Sonymen qatar ol jańa zańdaǵy baptardyń biri - jeke adamǵa qatysy bar aqparatty taratý úshin onyń ruqsatyn alý týraly bapqa qatysty pikir bildirdi.
"Aqparat taratý - tek qoǵam nazaryn aýdarý emes, jýrnalıstiń úlken jaýapkershiligi ekenin esten shyǵarmaý kerekpiz. Sondyqtan jýrnalıstik etıka máseleleriniń kóterilýi oryndy. Feık jańalyqtar kóbeıip ketkendikten, shynaıy ári tekserilgen aqparat taratý talabyna qajettilik artty. Iаǵnı, aqparat adamnyń konstıtýsııalyq quqyǵyn shektemeý kerek jáne adam ómirine keri áser etpegeni jón. Keıbireýler bul bapty sóz bostandyǵyn shekteý dep qabyldapty. Muny jeke ómirin kópshilik nazaryna usynǵysy kelmeıtin adam quqyǵyn qorǵaý dep túsiný kerek", dedi Darhan Qydyráli.
Suhbat barysynda Forbes tilshisi Darhan Qydyráliden "Egemenniń" orys jáne aǵylshyn tilderinde aqparat tarata bastaǵan saıty oqyrmandy gazetten alystatpaı ma?" degen suraq qoıdy. "Telearna paıda bolǵanda gazettiń shyǵýy toqtaıdy degen pikir boldy. Elektrondy kitap shyqqanda, endi qaǵaz kitaptar men gazet-jýrnaldar joǵalady degen oı aıtyldy. Biraq, soǵan qaramastan, kitap pen gazet-jýrnaldarǵa degen suranys tómendegen emes", dedi "Egemen" basshysy. Sonymen qatar ol suhbat sońynda latyn álipbıine qatysty pikir bildirdi. "Latyn álipbıine kóshý týraly Elbasynyń sheshimi tarıhı tańdaý dep aıtsaq ta bolady. Prezıdenttiń Jarlyǵy shyqty, endi bul baǵytta negizgi jumys bastalady. Atqarylatyn jumys kóp, onyń ishinde orfoepııalyq jáne orfografııalyq erejeler de jasalady", deı kele Darhan Qydyráli jańa álipbıdiń oqyrman yńǵaıyna laıyqtalyp jasalý kerektigin aıtty.
