О́ńirdiń iri júıe quraýshy kásiporny aýyl sharýashylyǵyna arnalǵan mıneraldy tyńaıtqyshtar, jem-shóptik ftorsyzdandyrylǵan fosfattar óndiredi. Baqytjan Saǵyntaev óndiristiń aǵymdaǵy kórsetkishterimen tanysyp, eksport kólemin arttyrý boıynsha baıandamany tyńdady.
«Qazfosfat» JShS bas dırektory Muqash Eskendirovtyń aıtýynsha, IIDMB aıasynda 2016 jyly zaýytty qaıta jóndeý óndiris kólemin 2 esege arttyrýǵa múmkindik bergen. Bıyl 300 myń tonna fosforly mıneraldy tyńaıtqyshtar óndirilip, olardyń 108 myń tonnasy Qazaqstannyń qajettilikterin 100% qamtı otyryp, ishki naryqta ótkiziledi. 200 myń tonnaǵa jýyǵy Qytaı, Aýǵanstan, Reseı, Ýkraına, Ýrýgvaı, Argentına elderine eksporttalady. Rýmynııa, Chehııa, Bolgarııa, Iran naryqtaryn ıgerý jumystary júrgizilip jatyr. Keler jyly fosforly mıneraldy tyńaıtqyshtar óndirisi kólemin 500 myń tonnaǵa deıin ulǵaıtý josparlanǵan.
Jambyl oblysy ákiminiń orynbasary Tımýr Janke IIDMB Indýstrııalandyrý kartasy aıasynda 2017 jyly óńirde 1448 jańa jumys ornyn qura otyryp, 18,8 mlrd teńge somaǵa 13 jobany iske asyrý kózdelgenin aıtty. Jyl basynan beri 8,3 mlrd teńge somaǵa 6 joba engizildi, 398 jumys orny quryldy.
Jalpy elimizde bıyl 10 aıda ekonomıkanyń barlyq bazalyq salalary boıynsha óndiris ósimi baıqalǵan. О́nerkásip kórsetkishteri ótken jyldyń uqsas kezeńimen salystyrǵanda 7,5%-ǵa jaqsardy, onyń ishinde Jambyl oblysy boıynsha ósim 1,4% quraıdy.
