"Osydan 5-6 jyl buryn klýbty qabyldap alǵanymyzda, dosym Saıan Hamıtjanovpen qandaı komanda quramyz degen taqyrypty talaı talqyladyq. Aqyldasyp, aldaǵy josparlardy aıqyndap, naqty maqsat qoıdyq. Búgin eńbegimizdiń nətıjesin kórip, qýanyp turmyn. Komanda senimimizdi aqtady. Barlyqtaryńyzdy kezekti chempıondyqpen quttyqtaımyn"-, dep bastady is-sharada alǵashqy sózdi alǵan "Astana" Prezıdenttik klýby Qamqorshylar keńesiniń tóraǵasy, QR Parlament senatynyń depýtaty Darhan Kəletaev.
Darhan Amanuly kelesi jyly "Astana-Arena" alańynyń janynan klýbtyń arnaıy sport kesheniniń qurylysy bastalatynyn aıtyp fýtbol jankúıerlerin qýantyp qoıdy.
Marapattaý rásiminde kelesi quttyqtaý sóz "Astana" fýtbol klýbynyń bas menedjeri Saıan Hamıtjanovqa berildi. Saıan Jaqsygeldiuly klýbqa jan-jaqty qoldaý bildirip kele jatqan Ədilbek Jaqsybekov, О́mirzaq Shókeev jəne Darhan Kəletaevqa alǵysyn bildirdi.
"Bizdiń komanda aldyna qoıǵan maqsattaryn oryndap shyqty. Bıyl tórtinshi ret qatarynan el chempıony atandyq. Eýropa lıgasynyń toptyq kezeńinde óner kórsettik. Sondaı-aq, kóktemgi bóligine de shyǵýǵa múmkindigimiz bar. Qazaqstannyń namysyn halyqaralyq arenada abyroımen qorǵap júrmiz dep aıta alamyn. Fýtbolshylar men bapkerlerge alǵysymdy bildiremin. Maýsym boıy jeńispen qýantqandaryńyz úshin rahmetimdi aıtamyn, dep aǵynan jaryldy klýb basshysy.
"Astana" fýtbol klýbynyń bas bapkeri Stanımır Stoılov 2017 jylǵy Qazaqstan chempıonatynyń úzdik bapkeri dep tanyldy. Komandanyń bas bapkeri chempıondyqqa fýtbolshylarmen qatar, ər qyzmetkerdiń úles qosqanyn atap ótti.
Fýtbolshylarǵa chempıondyq marapatty Astana qalasynyń əkimi Əset Isekeshev, Qazaqstan fýtbol federasııasynyń, Kəsipqoı fýtbol lıgasynyń basshylary Seıildə Baıshaqov jáne Azamat Aıthojın tabystady.
Sonymen qatar, merekelik is-sharada el birinshiliginde chempıon bolǵan "Astana-2005" jasóspirimder komandasy marapattalyp, birneshe nomınasııalar boıynsha jyldyń úzdik oıynshylary anyqtaldy.
"Úzdik oıynshy" - Dmıtrıı Shomko
"Úzdik gol avtory" - Patrık Tvýması
"Úzdik jańa oıynshy" - Ivan Maevskıı
"Kórermender kózaıymy" - Djýnıor Kabananga
"Komandanyń adal oıynshysy" - Abzal Beısebekov
"Úzdik bapker" - Stanımır Stoılov
Ermuhammed Məýlen
Erkebulan Jomart
"Egemen Qazaqstan"
