«Týlaq shashý» degen ne?
– Halqymyz ərbir is, sharýanyń bastalý-aıaqtalý sətin jaı ótkizbeı, ony atap ótip jáne soǵan sáıkes ədet-ǵuryptar, yrymdar jasap otyrǵan. Sonyń biri – jurttyń bəri bile bermeıtin «Týlaq shashý» salty. Kıiz, tekemet basatyn úı oǵan qatysatyn əıelderge jún sabar aldynda «Týlaq shashýyn» shashyp, jınalǵan qaýymǵa as beriledi. Kıiz basý – qazaqtyń kóneden kele jatqan qolóneri. Kıiz basýdyń negizgi tehnologııasy ókinishke qaraı, búgingi jastarǵa beımálim. Baıaǵydan beri jalǵasqan dástúr – kıiz basýdyń da astarly saıasaty bar. Ol eldiń eńbek áleýetin ǵana tanytyp qoımaıdy. Aýyl ájeleri men kórshi-qolań, abysyn-ajynnyń tatýlyǵyn bekem etedi. Jetekke ergen jetkinshekterdi de jelpindire otyryp, eńbekke baýlıdy, – deıdi atalǵan sharany uıymdastyrýshylar.
Aqshańqan kıiz úı tigilip, aýyl ónerpazdarynyń da konserttik baǵdarlamasy tamashalanǵan bul kúni ájeler sheberlik sabaqtaryn ótkizip, kıiz basý óneriniń qyr-syryn óz dárejesinde kórsete bildi. Is-shara sońynda belsene atsalysqan azamattarǵa oblystyq ádet-ǵuryp jáne salt-dástúr ortalyǵynyń basshysy Jánibek Taǵaev «Alǵys hattar» tabystap, kádesyılar usyndy.
Ǵalymjan ELShIBAI,
«Egemen Qazaqstan»
