Qazaqstan Respýblıkasy Týrızm jáne sport mınıstrligi №02-02-18/179

2011 jylǵy 13 qyrkúıek,   Astana qalasy Qazaqstan Respýblıkasy Ekonomıkalyq damý jáne saýda mınıstrligi 2011 jylǵy 16 qyrkúıek                    №298                            Astana qalasy BIRLESKEN BUIRYQ Qazaqstan Respýblıkasynyń týrıstik qyzmet týraly  zańnamasynyń oryndalýy úshin  jeke kásipkerlik salasyndaǵy  táýekelder dárejesin baǵalaý  ólshemderin bekitý týraly «Qazaqstan Respýblıkasyndaǵy týrıstik qyzmet týraly» Qazaqstan Respýblıkasynyń 2001 jylǵy 13 maýsymdaǵy Zańynyń 11-babynyń 20) tarmaqshasyna jáne «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańynyń 13-babynyń 4-tarmaǵyna sáıkes buıyramyz: 1. Qosa berilip otyrǵan Qazaqstan Respýblıkasynyń týrıstik qyzmet týraly zańnamasynyń oryndalýy úshin jeke kásipkerlik salasyndaǵy táýekelder dárejesin baǵalaý ólshemderi bekitilsin. 2. «Týrıstik qyzmet (týroperator, týragent) jáne oıyn bıznesi salasyndaǵy qaýip-qaterler dárejesin baǵalaý krıterıılerin bekitý týraly» Qazaqstan Respýblıkasy Týrızm jáne sport mınıstriniń mindetin atqarýshynyń 2010 jylǵy 16 aqpandaǵy № 01-01-07/26 jáne Qazaqstan Respýblıkasy Ekonomıka jáne bıýdjettik josparlaý mınıstriniń 2010 jylǵy 18 aqpandaǵy № 70 birlesken buıryǵynyń (Normatıvtik quqyqtyq aktilerdiń memlekettik tirkeý tiziliminde № 6117 bolyp tirkelgen jáne «Kazahstanskaıa pravda» gazetiniń 2010 jylǵy 20 sáýirdegi № 97-98, «Egemen Qazaqstan» gazetiniń 2010 jylǵy 21 sáýirdegi № 147-149 sandarynda jarııalanǵan) kúshi joıyldy dep tanylsyn. 3. Qazaqstan Respýblıkasy Týrızm jáne sport mınıstrliginiń Týrızm ındýstrııasy komıteti (Q.Ǵ. Káken): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) osy buıryq memlekettik tirkeýden ótkennen keıin onyń resmı jarııalanýyn qamtamasyz etsin; 3) osy buıryqtyń Qazaqstan Respýblıkasy Týrızm jáne sport mınıstrliginiń ınternet-resýrsynda jarııalanýyn qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasynyń Týrızm jáne sport mınıstrligi Týrızm ındýstrııasy komıtetiniń tóraıymy Q.Ǵ. Kákenge júktelsin. 5. Osy buıryq alǵash ret resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasynyń     Qazaqstan Respýblıkasynyń Týrızm jáne sport mınıstriniń     Ekonomıkalyq damý jáne saýda mindetin atqarýshy     mınıstriniń mindetin atqarýshy _______________ Á. Pirmetov    _______________ M. Qusaıynov Qazaqstan Respýblıkasy Týrızm jáne sport mınıstriniń mindetin atqarýshynyń 2011 jylǵy 13  qyrkúıek № 02-02-18/179, Qazaqstan Respýblıkasy Ekonomıkalyq damý jáne saýda mınıstriniń mindetin atqarýshynyń 2011 jylǵy 16  qyrkúıek № 298  birlesken buıryǵymen bekitilgen Týrıstik qyzmet týraly zańnamanyń oryndalýy úshin jeke kásipkerlik salasyndaǵy táýekelder dárejesin baǵalaý ólshemderi 1. Osy О́lshemder «Qazaqstan Respýblıkasyndaǵy memlekettik baqylaý jáne qadaǵalaý týraly» jáne «Qazaqstan Respýblıkasyndaǵy týrıstik qyzmet týraly» Qazaqstan Respýblıkasynyń Zańdaryna sáıkes týrıstik qyzmet (týroperatorlyq, týragenttik qyzmet) sýbektilerin táýekel dárejelerine jatqyzý maqsatynda táýekel kórsetkishterin aıqyndaý úshin ázirlendi. 2. Osy О́lshemderde mynadaı uǵymdar paıdalanylǵan: 1) baqylaý sýbektisi – týrıstik operatorlar (týroperatorlar), týrıstik agentter (týragentter); 2) táýekel - tekseriletin sýbektiniń qyzmeti nátıjesinde, adamnyń ómirine nemese densaýly­ǵyna, qorshaǵan ortaǵa, jeke jáne zańdy tulǵa­lar­dyń zańdy múddelerine, memlekettiń múliktik múddelerine sal­da­rynyń aýyrlyq dárejesi eskeriletin zııan keltirý yqtımaldyǵy. 3. Táýekel dárejesine baılanysty baqylaý sýbektileri joǵary, ortasha ne bolmashy táýekel dárejesi bar toptarǵa jatqyzylady. 4. Táýekel dárejesin baǵalaý ólshemderi obektıvti jáne sýbektıvti ólshemderge bólinedi: 1) obektıvti ólshemder – baqylaý sýbektileriniń qyzmetin júzege asyrǵan kezde bolýy múmkin táýekeldiń mańyzdylyǵyna negizdelgen; 2) sýbektıvti ólshemder týrıstik qyzmet (týroperator, týragent) sýbektileri jol bergen belgilengen zańnama talaptardy buzýshylyqtarǵa baılanysty anyqtalady. 5. Táýekel dárejesi boıynsha baqylaý sýbektilerin alǵashqy rettik bólý táýekel dárejesin baǵalaýdyń obektıvti ólshemderi negizinde júzege asyrylady. Týrıstik qyzmet sýbektileri obektıvti ólshemder boıynsha mynadaı táýekel dárejelerine bólinedi: - ortasha táýekel dárejesi – týrıstik qyzmetti 5 jyldan az júzege asyratyn týroperatorlardyń qyzmeti; - bolmashy táýekel dárejesi – týrıstik qyzmetti 5 jyldan artyq júzege asyratyn týroperatorlardyń qyzmeti. 6. Baqylaý sýbektilerin táýekel toptaryna kelesi bólý tıisti ball beriletin sýbektıvti ólshemderdi eskere otyryp júzege asyrylady: týroperatordyń jáne týragenttiń azamattyq-quqyqtyq jaýapkershiligin mindetti saqtandyrý shartynyń bolmaýy – 3 ball; týrıstik qyzmetti júzege asyratyn tulǵalardyń týrısterge saıahattyń erekshelikteri, saıahat jasaǵan kezde olar kezdesýi múmkin qaýip-qaterler týraly týrıstik qyzmet kórsetý erejesinde kórsetilgen málimetterdi usynbaýy, ýaqytynda nemese tolyq usynbaýy, ne týrısterdiń qaýipsizdigin qamtamasyz etýge baǵyttalǵan aldyn alý sharalaryn júzege asyrmaýy – 3 ball; týrıstik qyzmetti júzege asyratyn tulǵalardyń múddeli memlekettik organdarǵa jáne týrıstiń januıasyna saıahat jasaý barysynda týrıstermen bolǵan tótenshe oqıǵalar týraly aqparat bermeýi nemese aqparatty ýaqtyly usynbaýy – 3 ball; týrıstik qyzmetti júzege asyratyn tulǵalardyń týrıstik qyzmet kórsetýge arnalǵan jazbasha shartty jasaspaı týrıstik qyzmet kórsetýi – 2 ball; týrıstik bilimi bar qyzmetkerdiń, sonyń ishinde gıdterdiń (gıd-aýdarmashynyń), saıahat jetekshisiniń, týrızm nusqaýshysynyń qyzmetin kórsetýge lısenzııasy bar týrızm nusqaýshylarynyń bolmaýy – 2 ball; menshikti nemese jalǵa alynǵan materıaldyq bazasynyń jáne (nemese) týrıstik ónimge kiretin jekelegen qyzmetterdi usynatyn tulǵalarmen sharttardyń bolmaýy – 2 ball; menshikti keńsesiniń nemese keńse úshin jalǵa alynǵan úı-jaıynyń bolmaýy – 2 ball; týrısterge qyzmet kórsetý baǵdarlamasynyń bolmaýy -1 ball. 7. Alǵan balldarynyń jalpy qosyndysyna baılanysty: joǵary táýekel dárejesine 6 jáne odan joǵary ball alǵan baqylaý sýbektileri jatqyzylady; ortasha táýekel dárejesine - 4 balldan 6 ballǵa deıin; bolmashy táýekel dárejesine - 4 ballǵa deıin. 8. Táýekel dárejesi bir deńgeıdegi baqylaý sýbektilerin tekserýlerdi basymdyqty josparlaý úshin eń kóp ball jıyny negiz bolyp tabylady. 9. Tekserýlerdi josparlaý sońǵy tekserý kúnin eskere otyryp júrgiziledi. Buıryq Qazaqstan Respýblıkasynyń Ádilet mınıstrliginde 2011 jylǵy 30 qyrkúıekte Normatıvtik quqyqtyq kesimderdi memlekettik tirkeýdiń tizilimine № 7218 bolyp engizildi.