Astanada enshiles jáne táýeldi uıymdardyń HR-forýmy ótti

QMG BО́ HR-qyzmeti, ıaǵnı sharanyń uıymdastyrýshylary kompanııanyń 13 jyldyq tarıhy ba­rysynda jıylǵan kópshilikke aı­tar talaı jaıttyń bar ekenin es­kerse kerek. Damýdyń árbir sa­tysy qyzmetkerlerdi qalaı bas­qarý kerek deıtin máselemen ti­keleı baılanysty ekeni de ras. Kompanııanyń kóptegen adam­­da­ry osy úderisterdi bastan kesh­ti jáne kompanııamen birge ká­sibı turǵyda damy­dy. Fo­rým­ǵa shaqyrylǵan elimizdiń bı­lik ıns­tıtýttary men iri kompa­nııa­lar­da qyzmet etip júrgen qo­naq­­tardyń óz kezeńinde  «Qaz­MunaıGaz» Barlaý О́ndirý» ak­sı­o­nerlik qoǵamynda qanattaryn qa­taı­tqanyn aıtsaq ta jetkilikti shy­ǵar. Sonyń ishinde forýmǵa qa­­tysýshylar arasynda Má­jilis depýtaty Taras Hı­tý­ov, «Qazaqtelekom» AQ-tyń bas qarjy dırektory Ashat О́z­bekov,  «Kazakh Tourism» UK» AQ basqarý dırektory Maııa Egimbaeva boldy. Bir kez­de «QazMunaıGaz» Barlaý О́n­di­rý­de» qyzmet etken qazirgi Ulttyq eko­nomıka mınıstri  Tımýr Sú­leı­­menov belgili bir sebeptermen jı­ynǵa qatysa almady.

– Búgin bizdi qoldaýǵa kelgen adam­dardyń barlyǵy da biz týraly estip qana qoımaǵan, bizdi bi­ledi de. Men barlyǵyńyzǵa da úlken qurmetpen qosh keldi­ńiz­­der demekpin jáne osy bas­ta­maǵa ún qosyp, forým jumy­sy­na qatysýdy qabyl alǵan arnaıy qonaqtarǵa alǵysymdy bildiremin, – dedi «QazMunaıGaz» Bar­laý О́ndirý» AQ apparat bas­shy­sy Baýyrjan Asqarov óz só­zin­de.

QMG BО́-niń qurylǵaly ber­gi ósý, damý nátıjesin kór­se­tip, fo­rýmǵa elimizdiń alty aı­ma­ǵy­nan 14 enshiles jáne táýel­di kompanııalardyń ókilderi jı­yl­dy. «Embimunaıgaz» AQ já­­ne «О́zenmunaıgaz» AQ syndy ne­gizgi ken aktıvterinen bólek kom­panııa «Qazgermunaı» BK» JShS, «Qarajanbasmunaı» AQ jáne «PetroQazaqstan Ink.» já­ne kóptegen munaıservıstik kom­panııalardyń úlesterin ıem­de­nedi. Búgingi kúni «Qaz­Mu­naı­Gaz» Barlaý О́ndirý» óz sha­ńyraǵynyń astyna 26 myńnan as­tam qyzmetkerdi biriktirip otyr jáne mundaı orasan zor ujym úshin qyzmetkerlerdi tıimdi basqarý úderisi árqashan da mańyzdy.

– Bizdiń HR-qyzmettiń bar­lyq bastamalary kompanııa bas­shy­lyǵynan qoldaý tabady. Men osy forýmdy ótkizý týraly ıdeıany tolyqtaı qoldaǵan  «Qaz­MunaıGaz» Barlaý О́ndirý» ak­sıonerlik qoǵamynyń bas dırek­tory Qurmanǵazy Esqazıevtiń só­zin sizderge jetkizgim keledi. Bas dırektor bul forýmnyń qyz­met­kerlerdi basqarý salasynda, sondaı-aq kompanııa toptarynyń ıntegrasııalyq úderistegi ustam­da­ryn nyǵaıtýda tájirıbe men bilim almasý turǵysynan mańyzdy oqıǵa ekenin aıtty, – dedi Baýyrjan Asqarov.

Forým jumysyn qoldaý úshin bas kompanııa atynan qatysqan ókil, ıaǵnı «QazMunaıGaz» UK» AQ adam resýrstaryn basqarý boı­ynsha vıse-prezıdent Serik Áb­denov te jıynda aýdıtorııaǵa sóz arnady.

Forým barysynda «Qaz­Mu­naı­Gaz» ulttyq kompanııasy men «QazMunaıGaz» Barlaý О́n­dirý» arasynda áriptestik týraly memorandýmǵa qol qoıyldy. Atal­mysh qujat arqyly eki kom­panııa da tájirıbe almasý men jumysshylardyń bilik­ti­ligin kóterý boıynsha eń jaq­sy tájirıbelerdiń jobasyn usy­na­tyn qyzmetkerlerdi bas­qarý sa­lasynda eki jaqqa da tıimdi árip­testikti damytý týraly oıla­ryn bildirdi. Osyǵan baılanys­ty ta­raptar ujymdar úshin ta­ǵy­lym­damalardyń áleýetti múm­kin­digin anyqtaýǵa jáne qaras­ty­rýǵa daıyn ekendikterin bil­dir­di. Atalmysh memorandým qol qoı­ǵan kompanııalardyń enshiles jáne táýeldi uıymdaryna da taratylady.

QMG BО́ damýynyń árbir irgeli satysy mańyzdy sanala­tyn maman máselesin sheshýmen baı­lanysty. Kompanııa qu­ryl­ǵa­ly beri eńbek etip ke­le jatqan, Qyz­metkerlerdi bas­qarý já­ne eńbekke aqy tóleý depar­ta­mentiniń dırektory Elmıra Kárimova QMG BО́ tarıhynyń ma­­ńyzdy kezeńderi men sol ke­zeń­derde sheshilýi tıis bolǵan má­se­leler jóninde jan-jaqty aı­typ berdi. Bular – kompanııany qu­rý, IPO ótkizý, qurylymdyq ońtaı­landyrý, eńbek ujymdary men kásipodaq ókilderimen birge áre­ket etýge basymdyq jasaý.

– 2006 jyly bizdiń kompanııa IPO-ǵa shyqty. Sol kezde bizdiń aldymyzda KPI, benchmarkıng, sheteldik jumys kúshin tartý syndy jańa máseleler turdy. Sol kezde biz «bestpraktık» degen sózdi tuńǵysh ret estidik, – deıdi Elmıra Kárimova.

«QazMunaıGaz» Barlaý О́ndirý» bul kúnde Qazaqstandaǵy eń tabysty kompanııalardyń biri. Kompanııa tabysynyń syry qyzmetkerlerdi   jigerlendirý men olardyń kásibı áleýetin mo­ly­­nan júzege asyrýda jatsa ke­­rek. Kompanııa tarıhynyń eń qo­laısyz kezeńderinde de adam re­sýrstaryn saqtaý  mańyzdy oryn­da turǵan.

Bul turǵyda forýmda tany­mdyq pikirtalas ta órbidi. Qaty­sý­shylarǵa kompanııa­da daǵdarys jaǵ­daıynda qyzmetkerler shtatyn meılinshe az qysqartýǵa baǵyt­talǵan sheshim tabý usy­nyl­dy. Pikirler kóp boldy. Bireýler zeı­net jasyna kelip qalǵan qyz­metkerlermen qoshtasýdy usyn­sa, basqa bireýler jastardy erkindikke jiberýdi usyndy. Bizge jumys oryndaryn saqtaý úshin  eńbekke aqy tóleý qoryn azaıtý týraly ózara kelisim  jany bar usynys sııaqty kórindi. QMG BО́ munaıservıs jobasy boıynsha basqarýshy dırektor Aınur Shanenovanyń sózinen baqsaq, munaıdyń baǵasy 10 dollarǵa túsken kezde de kompanııada ju­mys oryndary saqtalǵan. Son­daı-aq QMG BО́ sońǵy jyldary eshqandaı da qysqartýdy bol­dyrmaýǵa kúsh salýda jáne sony oryndaýda.

Odan basqa kompanııa óz qyz­metkerleriniń bilim alýy jáne  olardy oqytý barysynda damý jobalaryn belsendi túr­­de engizýde. Osy jazda QMG BО́ «Shell», «Enı» kom­panııalarymen jáne Reseıdiń Gýbkın atyndaǵy munaı jáne gaz ýnıversıtetimen  bir ýaqytta úsh memorandýmǵa qol qoıdy. Kompanııalardaǵy áriptester arasynda bilim baǵdarlamalaryna qatysty kópten beri iskerlik áriptestik ornaǵan-dy. Mysaly, reseılik munaı jáne gaz ýnıver­sı­tetinde «Munaı-gaz isi» boıyn­sha magıstrlik baǵdarlama boıynsha «Embimunaıgaz» ben «О́zenmunaıgazdyń» bes qyz­met­­keri bilim alýda. Endi qol qoı­y­lǵan memoran­dým­nyń sheń­­be­rinde osy kásip­oryn­­dar­dyń 115 qyzmetkerin oqy­­tý­ǵa ar­nalǵan bilim berý baǵ­dar­la­ma­sy daıarlanýda.

«Enı» kompanııasymen de áriptestik tájirıbe bar. Osy jyly «О́zenmunaıgazdyń» 12 ınjeneri jarty jyl boıy «Enı» korporatıvti ýnıversıtetinde taǵylymdamadan ótti. Olar geologııa jáne geofızıka, óndirý jáne burǵylaý, munaı ken oryn­da­­ryn ázirleý, tehnıka qaý­­ip­siz­digi syndy kásibı salalar boı­­ynsha óndiris oryndarynda bol­­dy.  Memorandým bilim berý baǵ­darlamalaryn jalǵastyrýdy usy­nady. Sondaı-aq QMG BО́ kom­panııalary qyzmetkerlerine tá­jirıbe almasý, oqytý kýrs-
taryn jáne múmkin bolǵan ta­ǵylymdamalardy uıym­das­tyrý úshin «Shell» kompanııa­symen is-sharalar josparyn ázirleý josparlanǵan.

Qatysýshylardyń aıtýy boıynsha eki kúndik forým bir demmen ótti. Áriptester óz tájirıbelerimen bólisti, ja­ńa nárselerdi úırendi. QMG BО́ qyzmetkerlerdi basqarý de­par­ta­menti úshin bul tabysty joba­lar­dyń biri bolmaq. Mundaı bas­tamalar kompanııanyń ish­ki ómirinde belsendilik pen bas­tamashylyqty kóbirek týyndatady. «Jas mamandar kúni», «Úzdik maman», «Dýbler kúni» syndy jobalardyń kompanııa úshin mańyzy zor. Olar jas áriptesterdi ózderiniń eń jaqsy qyrlary men qabiletterin ashýǵa jigerlendirip, qorytyndysynda kom­panııadaǵy olardyń jumy­synyń nátıjeliligi baıqa­lady. 

– Bir jobany eń mańyzdy nemese eń myqty dep tandaý óte qıyn. О́ıtkeni bizdiń jobalar tutastala kele «korporatıvtik máde­nıet» atty biregeı jobany quraıdy. Biz kompanııada basshylyqqa senim, jalpynyń múddesi, qamqor qoldy seziný, qyzmetkerge qamqorlyq, sondaı-aq bolashaqqa senim atmosferasyn qalyptastyrdyq, – deıdi Elmıra Kárimova.

Búginde HR-qyzmeti kompa­nııa­daǵy kadr saıasatynyń shekarasyn aıtarlyqtaı keńeıtken. Korporatıvtik birlik, ujymdy biriktirý, áriptesterdiń psıho­lo­gııalyq adaptasııadan ótýi, árip­testerdi motıvasııalaý, bilim berý – munyń bári qyzmet­ker­lerdi tıimdi basqarýǵa qatysty sheń­berli máseleler. Bul quzy­ret­tiliktiń ishine kadr saıasatyn ret­teýdiń bir bóligi retinde áleý­met­tik qoldaý da kiretini ras.

QMG BО́  materıaldyq ak­tıv­terin óz áreketteriniń ar­tyq­shylyǵy retinde baǵa­laı­tyn bol­sa, al adam kapıtalyn kom­pa­nııanyń qundylyǵy retin­de qarastyrady. Kompanııa óz áriptesterin durys motıvasııalaý arqyly jáne olardyń kásibı áleýetin molynan júzege asyrý arqyly joǵary nátıjelerge jetti dep aıtýǵa bolady.

Nursultan SÁDÝAQASOV