Kásiporyn jylyna 12 myń sharshy metr gazobeton blogyn shyǵaratyn bolady. Kásiporynnyń jumysymen tanysqan Ońtústik Qazaqstan oblysynyń ákimi J.Túımebaev aýdannyń jáne kórshi aýdandardyń qajettiligi úshin gazobeton blogyn shyǵaratyn zaýyttyń iske qosylýy óndiris salasynda jaqsy oqıǵa ekenin atap ótti.
Joba quny 120 mln. teńge. Qazyǵurt aýdanyndaǵy ındýstrııaldy aımaqta búgingi tańda jalpy quny 2 mlrd. teńgeni quraıtyn 7 joba júzege asyrylýda. Sondaı-aq, óńir basshysy Qazyǵurt - Shymkent qalasymen irgeles jatqan kórshi aýdan ekenin jáne Jibek joly men «Batys Eýropa - Batys Qytaı» úlken joldyń boıynda ornalasqan aýdan bolǵandyqtan munda óndiristi órkendetý qajettigin aıtyp, jańa bastamalardy qoldaýǵa árqashan daıyn ekenin jetkizdi.
Jańa ashylǵan óndiris ornynda jylyna 12 myń sharshy metr, ıaǵnı 336 myń dana gazobeton blogy shyǵarylady. Qurylysta tıimdi bolyp keletin bul ónimniń eni 30 sm, bıiktigi 40, al uzyndyǵy 60 sm. Atalǵan kásiporynnyń ónimderi óńirde salynatyn kópqabatty turǵyn úılerde qoldanylatyn bolady.
Ǵalymjan ELShIBAI,
«Egemen Qazaqstan»
