Is-sharaǵa Mádenıet jáne sport mınıstrligi Mádenıet jáne ister departamenti dırektory Almaz Nurazqan, Qazaqstan Respýblıkasyndaǵy Polshanyń Tótenshe jáne О́kiletti elshisi Selım Hazbıev, ekspedısııa jetekshisi – Polıak saıahatshysy jáne zertteýshi Iаsek Palkevıch, QR Mádenıet jáne sport mınıstrliginiń Qazaq ǵylymı-zertteý mádenıet ınstıtýtynyń dırektory Hazbýlatov Andreı jáne «Kazakh Tourism» Ulttyq kompanııasy» AQ basqarma tóraǵasynyń orynbasary Dúısengalıev Tımýr qatysty.
Spıkerler ekspedısııa sáýir aıynda Qytaıdan attanyp, maýsymda Polshada máresine jetetinin málimdedi.
«Jańa Jibek Joly - 2018» halyqaralyq ekspedısııasy» - Astananyń 20 jyldyq mereıtoıy aıasynda iske asyrylatyn joba. Sonymen qatar, shara tarıhshylar, arheologtar men etnograftardyń qatysýymen, Elbasynyń «Bolashaqqa baǵdar:rýhanı jańǵyrý» baǵdarlamalyq maqalasy aıasynda iske asyrylyp, «Qazaqstannyń qasıetti geografııasy» jobasymen sabaqtasady. Búgingi kúni, biz osy baǵytta úlken jumys júrgizdik. Mádenı-tarıhı beldeýge kiretin nysandardyń tizimi jasaldy, Qazaq ǵylymı zertteý-mádenıet ınstıtýty qurastyrǵan vırtýaldy karta iske qosyldy. Josparlanǵan ekspedısııanyń nátıjeleri mádenı muramyzdy tolyqtyrýǵa múmkindik beredi» - dep atap ótti Almaz Nurazhan.
Sonymen qatar spıkerler ekspedısııanyń barysyn barlyq qatysýshy elder baqylaı alatynyn, quramy men baǵyty týraly aqparatty jáne osy taqyryp boıynsha barlyq jańalyqtar http://silkroad-2017.com ekspedısııanyń resmı saıtynda jarııalanatynyn málimdedi.
