Ǵylymı konferensııaǵa respýblıkalyq fermerler odaǵynyń tóraǵasy Áýezhan Dárinov, «Atameken» kásipkerler palatasynyń oblystyq fılıalynyń dırektory Asqar Ábýbakırov pen óńirdiń barlyq aýdandarynan 600-ge jýyq fermerler qatysty. Jıyn barysynda fermerler ózderiniń talap-tilekteri men usynystaryn jetkizdi.
Máselen, saryǵashtyq fermerler janar-jaǵarmaı baǵasynyń kún sanap sharyqtap bara jatqandyǵyn aıtsa, maqtaraldyq dıqandar baqsha daqyldaryna da sýbsıdııa berilse degen usynystaryn jetkizdi. Al túrkistandyq sharaýalar agro salany qarjylaı qoldaıtyn «Agrobank» qurylǵanyn qalaıdy. Konferensııada aıtylǵan barlyq usynystar fermerler odaǵynda saraptalyp, jaýapty memlekettik organdarǵa hatpen joldanatyn bolady.
Shara sońynda agroónerkásip keshenin damytýda belsendilik tanytyp, eseli eńbegimen kózge túsken óńir fermerleri Aýyl sharýashylyǵy mınıstrliginiń «Aýyl sharýashylyǵy salasynyń úzdigi» tós belgisimen jáne Qurmet gramotasymen marapattaldy. Aıta ketelik, Búginde fermerler odaǵynyń elimizdiń 8 oblysynda fılıaldary men 5 oblysynda ókildikteri jumys isteıdi. Odaqqa 10 myńnan astam fermerler birikken.
Ǵalymjan ELShIBAI,
«Egemen Qazaqstan»
