ÁLEM О́TKEN APTADY

OTPEN OINAMAS BOLAR О́tken sársenbide Koreıa Ha­lyq-Demokratııalyq Respýblı­ka­synyń qarýly kúshteri teńiz aıdy­nyndaǵy óziniń Ońtústik Koreıamen aradaǵy shekarasyna qaraı otyz sna­rıadpen oq atty. Qashan da shek­araǵa jiti qarap otyratyn Ońtústik Koreıa jaǵy oǵan aspanǵa 100 oq atyp, jaýap berdi. Bul qaıtarar jaýabymyz senikinen kóp bolmasa, az bolmaıdy degendi ańǵartqandaı edi. Taǵy da bir synap kórgisi keldi me, Phenıan óziniń arandatýshylyq áreketin jalǵastyryp, beısenbi kúni taǵy da oq atqan. Oǵan Seýldiń jaýaby jedel jarııalana qoıǵan joq. Qalaı bolǵanda da, otpen oınamaǵan jón-aq. AQSh IRAKTAN KETEDI “Eldegi jaǵdaı týraly” Kon­greske joldaýynda AQSh prezı­den­ti Barak Obama ústimizdegi jyldyń tamyzynyń aıaǵyna deıin óz eliniń áskeri Iraktan tolyq ketedi dep málimdedi. Bul onyń saılaý aldyndaǵy ýádesine saı júzege asyp otyrǵan shara ekeni eskertildi. Endi AQSh áskeriniń ornyna bul elge Egıpet pen Túrkııa áskeri ke­letin bolady. Osyǵan baıla­nys­ty da ártúrli pikir aıtylýda. Ási­rese, túrik áskerin Iraktaǵy kúrd qaýymy qalamaıtyny anyq. Al bul degenińiz eldegi kúrdeli jaǵdaıdy odan ári shıelenistirip jiberýi ábden múmkin. OPPOZISIONERLERDI DARǴA ASTY Juma kúni Iranda ólim jaza­syna kesilgen 11 oppozısıonerdiń ekeýi – Muhammed Reza Álı Zamanı men Arash Rahmanıpýr darǵa asyl­dy. Al qalǵan toǵyzynyń jazany jumsartý jónindegi ótinishteri qaralyp jatqan kórinedi. Bulardyń barlyǵy byltyrǵy maýsymda ótken Irandaǵy prezı­dent saılaýynan keıingi bas kóte­rýde qamaýǵa alynǵandar eken. Son­daı-aq jyl aıaǵyndaǵy jel­toq­sandaǵy bas kóterýge qatysqan bes adamdy da ólim jazasy kútip tur. Árıne, basqa jumsaqtaý jazalar óz aldyna. ARDAGERLER STIPENDIIа ALADY Qyrǵyzstanda el prezıdenti Qurmanbek Bakıevtiń jarlyǵy boıynsha Uly Otan soǵysyna qatysqan ardagerlerge ómirlik stı­pendııa taǵaıyndaldy. Ras, onyń mólsheri kóp te emes – úsh myń som, dollarǵa shaqqanda, 68 dol­lar. Bul elde sol soǵys arda­ger­leri de kóp qalmapty – 3 myńdaı eken. Sonda aı saıyn olarǵa 200 myń dollardaı qarajat ketetin kó­rinedi. Eń aldymen jurt nıetke rıza. MINISTR ÚShIN TALAS Ýkraınada prezıdent saılaýy­nyń ekinshi týry (7 aqpanda) qar­sańynda qyzyq jaǵdaı qalyptasty. El parlamenti ishki ister mınıstri Iýrıı Lýsenkony qyzmetinen alsa, premer-mınıstr Iýlııa Tımo­shen­ko ony mınıstrdiń orynbasary etip ta­ǵaıyndap (orynbasardy ta­ǵaı­yndaý úkimet basshysynyń qu­zy­rynda), oǵan mınıstr mindetin at­qarýdy júktedi. О́z sheshimin Tı­mo­shenko saılaýdy zańdy turǵyda ótkizý úshin dese, parlament keri­sin­she, Lýsen­konyń saılaý bıýlle­ten­derin basatyn tıpografııany zańsyz basyp alýǵa áreket jasaǵanyn aıyptaıdy. IMAM HIDJABQA QARSY Fransııa úkimet oryndary el zańnamalaryna súıene otyryp, qoǵamdyq oryndarda áıelderdiń hıdjab nemese páránji kııýine tyıym salatyn sheshim qabyldady. Ony maquldaıtyndar da, qarsylar da bar. Jurtty tańdandyrǵan jaı – sol Fransııadaǵy bir meshittiń Ha­sen Shalgýmı degen ımamy hıd­jab kııýge úzildi-kesildi qarsy bolǵan. Onyń pikirinshe, adamnyń júzin tolyq jaýyp turatyn hıdjab ıs­lamnyń da, Qurannyń da talabynda joq. Shashty ǵana jabatyn oramal jetkilikti. Hıdjab degen áıelder úshin túrmemen teń, deıdi ımam. MÁSKEÝDE “ZAŃDAǴY URYLAR” KО́P Álemdi shýlatqan “zańdaǵy ury” dep atalǵan Iаponchık qaıtys bolǵannan keıin de ondaı qylmys kósemderi Reseıde az emes eken. Reseı ishki ister mınıstrliginiń qylmysty ashý departamentiniń bastyǵy Iskandar Galımovtyń aıtýynsha, olardyń sany – 149. Mundaı qylmys kósemderiniń eń kóp shoǵyrlanǵan jeri – Máskeý, onda 42 “myqty” bar. Quqyq qorǵaý oryndary olardyń aty-jónderin de, qaıda turatynyn da biledi. О́zderindeı bir myqty qaıtys bolsa, olardyń bári jınalyp, qasterlep jerleıtin dástúri de bar. Biraq olardy eshkim ustamaıdy. Qylmystaryn dáleldeı almaı ma, áıteýir olarǵa tıispeıdi. Tek qana anyqtalǵan bir jaı – sońǵy kezde olardyń kapıtaly kóbeıipti, negizinen olar grýzın ultynan kórinedi. Ázirlegen Mamadııar JAQYP.