Aımaqtyq qaýipsizdik jaıy talqylandy

Qazaqstan Respýblıkasynyń Qaýipsizdik Keńesi Ujym­dyq qaýipsizdik jónindegi kelisim uıymynyń Hat­shy­lyǵymen birlese otyryp, 2011 jyldyń 4 qa­ra­sha­synda «Orta Azııa aımaǵynda qazirgi zaman qaýip-qa­te­rlerine qarsy is-áreketterdiń mańyzdy máseleleri tur­ǵy­synan ujymdyq qaýipsizdik júıesiniń damý baǵyt­ta­ry» taqy­rybynda dóńgelek ústel otyrysyn ótkizdi. Prezıdenttiń kómekshisi – Qa­zaqstan Respýblıkasy Qaý­ip­sizdik Ke­ńesiniń hatshysy M.Tájın ózi­niń sózinde qazirgi tańdaǵy Orta­lyq Azııanyń ishki jáne syrtqy qaterlerdiń ózgeristerin esepke ala oty­ryp, UQKU qyzmetiniń kon­sep­týaldy joldaryn jáne ba­sym baǵyttaryn atap ótti. UQKU bas hatshysy N.Bordıýja aımaqtyq qaýipsizdik jáne jańa qaýip-qaterlerge qa­jetti qarsy áre­ket etý sha­ralarynyń ózekti másele­leri­ne toqtaldy. Dóńgelek ústel otyry­syna Qyrǵyzstan, Tájikstan elderinen mamandar, ǵylymı, memlekettik, qo­ǵamdyq ınstıtýttar jáne Qa­zaq­stannyń táý­elsiz saraptama orta­lyq­tary­nyń ókilderi qatysty. О́tken pikirtalas bary­syn­da Orta Azııadaǵy ujymdyq qaýip­siz­diktiń áserli júıe­siniń qalyp­ta­sýyna UQKU mú­she elderdiń yńǵaıy men aımaqtaǵy ahýaldyń damýyna saraptyq baǵalar berildi. Sol kúni Prezıdenttiń kó­mekshisi – Qazaqstan Respýb­lıkasynyń Qaýip­sizdik Keńesiniń hatshysy Marat Tá­jın Ujym­dyq Qaýipsizdik jónindegi kelisim uıymynyń bas hatshysy N.Bor­dıýjamen kezdesý ót­kizdi. Pikir almasýshylar Qazaq­stan­nyń UQKU men stra­te­gııa­lyq áre­kettestiginiń alǵa baǵyttalǵan sı­pa­tyn, álemniń jalpy qaýip-qa­terge qarsy áre­ket etý sala­syn­da­ǵy ha­lyq­aralyq uıymdarmen qa­rym-qatynastarynyń damýyn atap ótti. Atalǵan kezdesý osy jyl­da josparlanǵan UQKU Sammıtine daıyndyq aıasynda ótti.