– Astanaǵa qalaı jettińizder? Uzaq jol keri áserin tıgizbedi me?
– Bári jaqsy. Qazir tynyǵyp, demalyp aldyq. Ishki birinshilikte «Atletıkke» (Bılbao) qarsy oıynnan keıin «Astana» týraly kóp oılandyq. Erteńgi oıynda úsh upaı jınaǵymyz keledi.
– La lıgada «Sevılıaǵa» qarsy mańyzdy oıyn kútip tur. О́tken týrda «Atletıkke» qarsy oınadyńyzdar...
– Biz úshin ár match mańyzdy ekenin bilemiz. Qıyndyqtarǵa tótep berýge daıynbyz. «Sevılıa» myqty komanda. «Astananyń» da osal emestigin umytpaǵanymyz jón. Sondaı-aq, Eýropa lıgasynda mańyzdy emes matchtar bolmaıdy.
– «Astanadan» qandaı oıyn kútesiz?
– «Astana» da biz sııaqty jeńiske jetý úshin baryn salary anyq. О́zderiniń úzdik oıyndaryn kórsetetinine senimdimin. Alańnyń barlyq tusyna ıelik etýge tyrysady. Úsh upaı jınaý úshin aıanyp qalmas. Biraq biz de óz oıynymyzdy kórsetip, qajet nátıjege qol jetkizýimiz kerek.
– Úsh jyl buryn «Astanaǵa» qarsy oınaǵan edińiz. Alań jasandy bolsa da sapasy jaqsy. Bul týraly ne oılaısyz?
– Onyń eshqandaı mańyzy joq. Biz qaı jerde oınasaq ta mańyzdy emes. Tek óz oıynymyzdy kórsetýimiz kerek. Erteń bárin alańda kóremiz.
– Ulttyq quramadaǵy oıynnan keıin óz kúshińizdi qalaı saqtadyńyz?
– Maǵan erteńgi oıyn mańyzdy. Bapkerim maǵan senim artyp otyr. Eń bastysy sol.
– «Astana» eýrokýboktyq oıyndarda óz alańynda sońǵy ret «Vılıarrealdan» utylǵan bolatyn. Odan beri 17 oıyn ótti, eshkimge ese bermeı keledi. Bul týraly qandaı oıdasyz?
– «Astana» jyl saıyn damyp keledi. Jyl saıyn Eýropada óner kórsetip, tájirıbe jınady. Talantty oıynshylary da az emes. «Astanamen» qazir kim bolsa da sanasady.
– Jasandy alań týraly ne oılaısyz? Bul sizderdi alańdata ma?
– Alańǵa tezirek beıimdelýimiz kerek. О́z oıynymyzdy kórsetip, jeńýimiz kerek.
– Alǵashqy oıynnan keıin «Astanadan» qaı oıynshyny erekshe atap óter edińiz?
– Maǵan Patrık Tvýmasıdiń oıyny unady. Onyń jyldamdyǵy, tez oılap, tez sheshim qabyldaıtyny tań qaldyrdy. Erteń de ózin jaqsy qyrynan kórsetedi dep oılaımyn.
Aıta keteıik, «Astana» men «Vılıarreal» arasyndaǵy kezdesý erteń, ıaǵnı 23 qazan kúni «Astana-Arena» stadıonynda 22:00-de bastalady.
Aıan ÁBDÝÁLI,
«Egemen Qazaqstan»
