Oǵan Prezıdenttiń kómekshisi – Qaýipsizdik Keńesiniń hatshysy Vladımır Jumaqanov, Premer-Mınıstr Keńsesi Qorǵanys jáne quqyqtyq tártip bóliminiń meńgerýshisi Murat Baımuqashev, sonymen qatar Úılestirý keńesiniń músheleri qatysty.
Jıynda Ult josparynyń 28-34-qadamdarynyń iske asyrylý máseleleri talqylandy. Naqtylaı aıtqanda, polısııa qyzmetkerlerin irikteý júıesin jaqsartý, quqyq qorǵaý organdarynyń qyzmetkerlerin memlekettik qyzmet júıesine qosý, jergilikti polısııa qyzmetin qurý, azamattardyń aryzyn qaraý jónindegi qoǵamdyq keńes júıesin qurý arqyly polısııanyń ashyqtyǵyn qamtamasyz etý, «Qylmystyq quqyq buzý kartasy» ınternet-portalyn qurý, sottalǵandardy áleýmettik ońaltýdyń tıimdi júıesin qalypqa keltirý, penıtensıarlyq ınfraqurylymdy jańǵyrtý máseleleri sóz boldy.
Kún tártibiniń ekinshi jáne úshinshi suraqtary máseleleri quqyq qorǵaý organdary jeke quramynyń sybaılas jemqorlyqqa qarsy zańnamany saqtaý, sondaı-aq qylmystyq-atqarý júıesiniń jekelegen máseleleri boldy.
Basqosýda Jaqyp Asanov sharaǵa qatysýshylardyń nazaryn kóterilip otyrǵan máselelerdiń mańyzdylyǵyna aýdardy, sondaı-aq Ult josparynyń jekelegen qadamdaryn iske asyrý barysyndaǵy keıbir jaǵdaıattarǵa toqtaldy.
Ishki ister mınıstriniń orynbasary Erlan Turǵymbaev Ult josparynyń 28,30,31,33 jáne 34-qadamdary boıynsha vedomstvo tarapynan atqarylyp jatqan jumystar týraly baıandady. Al 32-qadamnyń júzege asyrylýy jóninde Bas prokýratýranyń Quqyqtyq statıstıka jáne arnaıy esepke alý komıtetiniń tóraǵasy (QSjAEK) Baǵdat Mýsın esep berdi. B.Mýsın qatysýshylarǵa «Qylmystyq quqyq buzý kartasynyń» múmkindikterine toqtalyp, atalǵan kartanyń azamattar úshin óte yńǵaıly quralǵa aınalǵanyn aıtty.
Sonymen qatar kartanyń múmkindigin odan ári keńeıtý maqsatynda komıtet tarapynan «Qylmystylyqty saraptaý» atty geoaqparatty karta ázirlendi. Bul baǵdarlama engizilgen parametrler negizinde óńirdegi qylmystylyqtyń oshaǵyn anyqtap, qylmystyń qurylymy men merziminiń kestesin kórsete alady.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq bıýrosynyń basshysy Talǵat Tatýbaev ótken jyldyń jeltoqsanynda usynylǵan sybaılas jemqorlyqqa qarsy jol kartasynyń oryndalýy, sondaı-aq Ult josparynyń 29-qadamynyń iske asyrylýy jaıly baıandady.
Otyrystyń nátıjesinde baǵdarlamalyq qujattyń tıisti dárejede júzege asyrylýy, sonymen qatar sybaılas jemqorlyq pen azaptaýǵa qarsy jumystardy ári qaraı uıymdastyrý boıynsha usynymdar ázirlendi.
«Egemen-aqparat»
