Qaırat Ábdirahmanov Qazaqstannyń BUU Qaýipsizdik Keńesine tóraǵalyǵynyń basymdyqtaryn atady

SIM basshysy Prezıdent Nursultan Nazarbaevtyń ıadro­lyq qarýdan azat álemdi qurý, álem­dik jáne dástúrli dinder lı­derleriniń sezderin shaqyrý se­kil­di bastamalaryna jan-jaqty toq­talyp ótti. Sonymen qatar ol Qazaqstannyń BUU Qaýipsizdik Keńe­siniń múshesi retinde Ortalyq Azııa­daǵy qaýipsizdik, Afrıkadaǵy beı­bitshilik pen turaqtylyq, halyq­ara­lyq terrorızmge qarsy turý, Sırııadaǵy daǵdarysty, Aýǵan­stan­daǵy jaǵdaıdy retteý máse­le­lerine jáne BUU reformala­ry­na erekshe nazar aýdaratynyn atap ótti.

Q.Ábdirahmanov brıtandyq parlament depýtattarymen, Bob Stıýart tóraǵalyq etetin Qazaq­stanmen yntymaqtastyq jónin­degi búkilpartııalyq toby­nyń múshelerimen kezdesti. Mı­nı­str brıtandyq parlament mú­she­lerin Prezıdent N.Nazar­ba­ev­tyń «Bolashaqqa baǵdar: rýhanı jań­ǵyrý» atty maqalasymen tanystyrdy, «100 naqty qadam» Ult jospary men jekeshelendirý baǵdarlamasyn iske asyrý týraly, sondaı-aq «Astana» halyqaralyq qarjy ortalyǵyn qurý jáne damytý jobasy týraly aıtty.

Qazaqstandyq syrtqy saıası vedomstvo basshysynyń Londonǵa sa­parynyń basty maq­saty aldaǵy ýa­qytta ekijaqty saý­da-eko­no­mı­kalyq jáne ınves­tı­sııa­lyq yntymaqtastyqty damytý bol­dy. Eýropa qaıta qurý jáne da­mý bankiniń prezıdenti Sýma Chak­ra­bartımen kezdesý barysynda aǵymdaǵy jáne perspektıvalyq birlesken jobalar talqylandy. EQQDB basshysynyń aıtýynsha, Qazaqstan banktiń úlgili seriktesi bolyp tabylady. Sońǵy jyldary memleket jáne jeke sektor­men birlesken jobalardyń sa­ny aıtarlyqtaı ósti jáne Qazaq­stan­nyń aımaqtaǵy jáne álemdegi róli artty. EQQDB memleket-jeke­menshik seriktestik jobala­ryn jáne «Bir beldeý – bir jol» bastamasyn iske asyrýda, sondaı-aq syrtqy naryqtarda el marketıngin damytýda Qazaqstan­men yntymaqtastyqty nyǵaıtýǵa nıetti.

Syrtqy ister mınıstriniń bedeldi kásipkerler – Brıtan-Qazaq qoǵamy múshelerimen kez­desýi­niń kún tártibinde iskerlik yn­ty­maqtastyq máselelerine erek­she nazar aýdaryldy. Qazaq­stannyń munaı jobalary­nan basqa salalaryna ınvestı­sııa salýǵa qyzyǵýshylyq tanyt­qan «Independent Power Corporation» jáne «United Green» kompanııal­a­r­ynyń basshylarymen jeke kez­desýler barysynda Qazaqstan eko­n­omıkasyna ınvestısııalaý já­ne jańa óndiris oryndaryn ashý máseleleri talqylandy. Sa­par sońynda Q.Ábdirahmanov Uly­brıtanııada «Bolashaq» baǵ­dar­lamasy boıynsha bilim alatyn qazaqstandyq stýdentter qaýymdastyǵymen kezdesti.

Daıyndaǵan

Joldybaı BAZAR,
«Egemen Qazaqstan»