SQO-da qoǵamdyq kelisim keńesiniń altynshy otyrysy ótti

Jıyndy kirispe sózben ashqan hatshylyq meńgerýshisi Naıl Salımov Qazaqstan halqy Assambleıasy ultaralyq tatýlyq pen túsinistikti orna­týdyń biregeı ınstıtýty bo­lyp tabylatynyn, onyń mańaıyna toptasyp otyrǵan etnomádenı birlestikter men uıymdar ózderine júktelgen turaqtandyrýshy, toptastyrýshy rólderin oıdaǵydaı atqaryp kele jatqanyn jet­kizdi.

Búginde memlekettik mekemeler men kásiporyndarda 13 qoǵamdyq kelisim keńesi qurylyp, adamdardy jumys­pen qamtý, turǵyn úı-kommý­naldyq, jol-kólik, medı­sınalyq qyzmetterin jaq­sartý, taǵy basqa áleý­met­­tik máselelerdi sheshýge belsen­dilikpen arala­syp júr. Odan ári ol óz só­zin­­de «Qazaqstan halqy Assambleıasy týraly» Zańnyń jańa redaksııasyna toqtalyp, onda Assambleıa keńesi múshe­leri men «Qoǵam­dyq kelisim» kom­mýnaldyq memlekettik kásip­ornyna qatys­ty máse­leler naqty kórinis tapqanyn atap ótti.

Isker áıelder qaýymdas­tyǵynyń tóraıymy Baqyt­jan Sámıeva jańa zań jobasynda barlyq etnostardyń múd­­delerin bir arnaǵa to­ǵys­­­tyratyn Assam­bleıa­nyń­­­ quqyqtary men min­det­­­­terine qatysty engizi­l­gen­ tolyqtyrýlardy qol­­­daı­­­­ty­nyn, munyń bári­ el­diń taǵ­dyry úshin jaýap­ker­shilikke negiz­delgenin alǵa tar­typ, qoǵamdyq baqylaý pár­­men­digin arttyrýdyń, oǵan jekelegen adamdardy, úkimettik emes uıym­dar­dy jumyldyrýdyń mańyz­dylyǵyna toqtaldy.

Qarjy­landyrýǵa, oqýshy­lardy tamaq­tandyrýǵa baı­lanysty másele qaral­ǵannan keıin qalalyq bilim bó­li­mi óz jumysyn shıratyp, kem­shi­likter­den qorytyndy shy­ǵarǵan. Demek, osyndaı ádis-tásilderdi júıeli qol­daný arqyly túıtkildi prob­lemalardy birlesip sheshý Assambleıanyń da, qo­ǵam­dyq kelisim keńesteriniń de bedelin arttyrady.

«Qyzyljar sý» kásiporny janynda jumys isteıtin qoǵamdyq kelisim keńesiniń múshesi Baýyrjan Tájın óz is-tájirıbelerimen bólisti. Ujymda jumystyń tabys­ty, nátıjeli bolýy eń aldymen ondaǵy eńbek ahýalyna, áleýmettik jaǵdaıǵa tikeleı baılanysty. Osy oraıda bastamalar men jobalar qolǵa alynyp, jumysshy-qyzmetkerler tarapynan qoldaý tapqan. Isker dıalog, ashyq qa­rym-­qatynas, túıtkildi máse­le­lerdi birlesip sheshý ǵana alǵa ilgerileýdi, ózara úıle­simdilikti qamtamasyz etedi.

Oblystyq assambleıa janyn­daǵy qoǵamdyq kelisim ke­ńe­­siniń tóraǵasy Rashıd Na­dı­rov óz sózine jas býyndy jaqsy dástúrler men ómir­sheń qundylyqtar rýhynda tárbıeleý máselesin arqaý etti. Eńbek ardageri Raı­sa Polıshýk zań jobasyna engizilgen ózgerister men tolyqtyrýlar kópshilik kóńilinen shyqqanyn jetkizdi.

О́mir ESQALI,
«Egemen Qazaqstan»

Soltústik Qazaqstan oblysy