Foto: Raýshan NUǴMANBEK
Kórmede tárbıelenýshilerdiń fotosýretteri, sondaı-aq gýash tehnıkasynda oryndalǵan shyǵarmashylyq jumystary qoıylǵan. Osyndaı qyzyqty jáne úlken qajyrlyqty talap etetin ǵajaıyp ónerdi balalarǵa estetıkalyq tárbıe berý sektorynyń meńgerýshisi Natalııa Belıakına jalyqpaı úıretip keledi.
– Kórme kórsetkendeı, jańa shyǵarmashylyq ádistemelerin paıdalaný arqyly aýtıst balanyń talantyn ashýǵa múmkindik týyp otyr, – deıdi ol. – Búginde balalarymyz shynaıy jáne kóp qyrly sýretterdi sala alady. Osylaısha, ózderiniń ishki jan dúnıesiniń bir qyryn ashpaq.
Aýtıstik aýytqýlary bar balalar sulýlyqty tamasha beıneleıdi eken. О́ıtkeni aýtıst balalardyń tuıyq bolatyndyǵy jáne aınalasyndaǵylarǵa óz nıetin jetkize almaıtyndyǵy eshkimge qupııa emes. Sońdyqtan osyndaı balalardyń qorshaǵan álemmen qarym-qatynasyn ornatýdy sýret salasyndaǵy arnaıy art-ádisterdiń kómegimen júzege asyrý kerek. Osy ádisterdi ortalyq qyzmetkerleri jaqsy meńgeripti.
«Jarqyn bolashaq» ortalyǵy – Semeı qalasyndaǵy aýtıstik aýytqýy bar balalarǵa arnalǵan arnaıy mamandandyrylǵan jalǵyz mekeme. «Erekshe álem» balalar qorynyń basshysy Araılym Álisjanova. Ortalyq 2015 jyldan bastap jumys jasaıdy. «Jarqyn bolashaq» túzetý jáne ońaltý ortalyǵynyń sabaqtaryna 20 shaqty tárbıelenýshi qatysady. Ortalyqta balalarǵa bilim jáne qorshaǵan orta jáne qoǵam týraly túsinikter beriledi. Ár túrli oıyndar oınaý, mańyzdy oılaý jáne shyǵarmashylyqqa jatatyn iskerlik pen ıkemdilikterin arttyrady.
Raýshan NUǴMANBEK,
jýrnalıst
SEMEI
