Is-sharaǵa Aýyl sharýashylyǵy mınıstrligi Orman sharýashylyǵy jáne janýarlar dúnıesi komıteti tóraǵasy orynbasarynyń mindetin atqarýshy Qaırat Ústemirov, Orman sharýashylyǵy jáne janýarlar dúnıesi komıteti janýarlar dúnıesi jáne ańshylyq sharýashylyǵy basqarmasynyń basshysy Baqytbek Dúısekeev, Orman sharýashylyǵy jáne janýarlar dúnıesi komıteti Balyq resýrstaryn qorǵaý jáne balyq aýlaýdy retteý basqarmasynyń basshysy Arman О́tepov qatysty.
Jıyn barysynda Orman sharýashylyǵy jáne janýarlar dúnıesi komıteti tóraǵasy orynbasarynyń mindetin atqarýshy Q.Ústemirov Úkimet otyrysynda Qazaqstanda bıologııalyq ártúrlilikti saqtaý máselesi qaralǵanyn tilge tıek etti.
«Bul másele mınıstrliktiń basymdyqtarynyń biri bolyp esepteledi jáne biz osy baǵytta jedel jáne júıeli sharalar qabyldaımyz. Orman sharýashylyǵy salasynda respýblıkanyń orman jamylǵysy tómendigin eskere otyryp, mynadaı sharalardy bekitildi. Olar 2004 jyldan bastap eksportqa tyıym salyndy, 2015 jyldan bastap 2018 jyldyń sońyna deıin barlyq sekseýil shlamyna moratorıı jarııalandy, bıyl respýblıkanyń saýda oryndarynda sekseýildi satýǵa tyıym salyndy, sondaı-aq bıylǵy jyly qylqan japyraqty ormandarda sanıtarlyq keptirýge, onyń ishinde qyzdyrǵyshtardy ázirleýge tyıym salyndy», dedi Q.Ústemirov.
Sonymen qatar ol 2018 jyldan bastap Almaty oblysyndaǵy «Ile-Balqash» tabıǵı qoryǵy jáne Shyǵys Qazaqstandaǵy «Tarbaǵataı» ulttyq tabıǵı parki jumys isteı bastaıtynyn, tıisti qorlar 2018 jylǵa arnalǵan bıýdjet jobasyna engizilgenin atap ótti.
Sondaı-aq Q.Ústemirov brakonerlermen kúres kúsheıe túskenin de alǵa tartty.
«Memlekettik mekemelerdegi ınspeksııa sybaılas jemqorlyq kórinisteriniń aldyn alý úshin aǵymdaǵy jyldyń maýsym aıynda mınıstrge tikeleı baǵynatyn «Sapsan» jedel toby quryldy. О́ziniń qyzmetiniń nátıjesinde aǵymdaǵy jyldyń 5 aıy ishinde tabıǵat qorǵaý zańnamasyn buzýshylyqtardyń 16 faktisi anyqtaldy, olar boıynsha materıaldar quqyq qorǵaý organdaryna berildi», dedi ol
Raýan QAIDAR,
«Egemen Qazaqstan»
