25-26 qarasha kúnderi «Han shatyr» OSO mańyndaǵy alańda (Turan-D.Qonaev qıylysy) Aqmola oblysynyń aýylsharýashylyq jármeńkesi ótedi.
Aqmola oblysynyń 17 aýdany men 2 qalasynan keletin taýar óndirýshiler 146,2 mln teńgeniń 224 tonna ónimin jetkizedi: 68,5 tonna et jáne et ónimderi, 6,6 tonna balyq, 361,7 myń jumyrtqa, 33,0 tonna sút ónimderi, 27,7 tonna kókónis, 15,5 tonna suıyq maı, 22,5 tonna kartop, 27 tonna un.
Jalpy, jármeńkede naryqtyq baǵadan tómendetilgen baǵamen 43 taýar túri saýdaǵa qoıylady.
Aıta keteıik, 2017 jyldyń naýryz aıynan búginge deıin Astanada 64 aımaqtyq aýylsharýashylyq jármeńkesi ótkizilip, onda 27 440 myń tonna ónim satyldy. Qala ákimdigi atalǵan jármeńkeni qarasha aıynyń sońyna deıin ótkizýdi kózdep otyr.
