Atap aıtqanda, Qaraqııa aýdanynyń Quryq, Jetibaı, Munaıshy aýyldary, Beıneý aýdanynyń Aqjigit, Turysh, Syńǵyrlaý, Noǵaıty, Sarǵa, Beıneý aýyldary, Túpqaraǵan aýdanynyń Qyzylózen, Baýtıno, Taýshyq aýyldary, Mańǵystaý aýdanynyń Aqshymyraý, Qyzan, Tushyqudyq, Shebir, Jarmysh aýyldary jáne Jańaózen qalasyna qarasty Rahat, Qyzylsaı, Teńge aýyldarynda áleýmettik qamsyzdandyrý salasyn jańǵyrtý, bolyp jatqan jáne aldaǵy ýaqytta kútiletin ózgerister, iske asyrylyp jatqan «О́rleý» baǵdarlamasyn halyq arasynda keńinen nasıhattaý boıynsha túsinik jumystary júrgizildi.
«Áleýmettik ekspress» mobıldi qyzmeti jobasy sheńberinde jalpy 21 eldi mekende 21 kezdesý ótkizilip, oǵan barlyǵy 1010 adam qatysty. Osy kezdesýlerde turǵyndar tarapynan 135 suraq qoıylyp, mamandar tarapynan suraqtarǵa jaýap berildi.
Atap aıtqanda, zeınetaqymen qamsyzdandyrý salasy boıynsha – 33, «О́rleý» baǵdarlamasyna qatysty – 23, múgedekterdi áleýmettik qorǵaý salasyna baılanysty – 16, jumyspen qamtý máselesi boıynsha – 14, ártúrli baǵyttaǵy suraqtar sany – 49 .
Osy «Áleýmettik ekspress» mobıldi tobynyń túsinik jumystaryn júrgizýi nátıjesinde 13 azamattyń «О́rleý» baǵdarlamasynyń talaptaryna sáıkes keletindigi anyqtalyp, baǵdarlamaǵa qatysýǵa, sonymen qatar, jumystan qysqartýǵa ushyraǵan azamattar jumys tabysynan aıyrylý jaǵdaıy boıynsha járdemaqyǵa qujat tapsyrýǵa múmkindik aldy. Zeınetaqy jáne járdemaqyǵa qatysty suraqtary boıynsha memlekettik mekemege kelip aqparat alýshylar sany anaǵurlym azaıdy, deıdi Eńbek,áleýmettik qorǵaý jáne kóshi-qon komıtetiniń Mańǵystaý oblysy boıynsha Departamentiniń basshysy Arman Eldesov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
