Joba boıynsha, oblys ortalyǵynda boı kóteretin nysannyń aýmaǵynda olımpıadalyq rezerv daıyndaý ortalyǵy, jeńil atletıka jáne fýtbol manejderi ornalasady. Jobany «QazEdemStroıGrýpp» JShS júzege asyrady. Quny 6,5 mlrd teńgeni quraıdy. Qalashyq «Qulager» ıppodromy janynda ornalasady. Halyqaralyq jeńil atletıka federasııasynyń barlyq talaptaryna saı keletin manejde jeńil atletıka sportynyń barlyq túrlerimen aınalysyýǵa, jarystar ótkizýge bolady. Jabyq fýtbol alańynda shaǵyn fýtbolǵa arnalǵan olımpıadalyq rezerv daıyndaý ortalyǵy ornalasady.
- Jeńil atletıka maneji, Olımpıadalyq daıyndyq ortalyǵynyń qujattary jeltoqsan aıynyń ortasyna qaraı, al fýtbol manejiniń qujattary kelesi jyldyń qańtar aıynda saraptamaǵa beriledi, - deıdi seriktestik dırektory Álimjan Ysmaıylov.
Jobalyq-smetalyq qujattama memlekettik saraptamadan ótken keıin taraptar ózara kelisimshart jasaıdy.
Farıda Byqaı
«Egemen Qazaqstan»
Pavlodar
Sýretti túsirgen: Valerıı Býgaev
