S.Toraıǵyrov atyndaǵy memlekettik ýnıversıtet stýdentteri arasynda ótken «Ertis arýy-2017 arýy» sulýlyq baıqaýynyń fınalynda birden tórt atalym boıynsha jeńimpazdar anyqtaldy. Baıqaýdyń irikteý kezeńine 33 qyz qatysty. Onyń 10-y ǵana márege joldama aldy. Qatysýshylar ózderin tanystyrý, sándi kóılek, akterlik sheberlik, bı bıleý jáne án aıtý arqyly óz ónerlerin kórsetti. Memlekettik ýnıversıtettiń basqarý, bıznes jáne quqyq fakýltetiniń stýdenti Krıstına Komarova erekshe sulýlyǵymen kórermen kózaıymyna ıe boldy. Mashına jasaý fakýltetiniń stýdentteri Aıda Baıtemirova «Sulý arý» ataǵyn jeńip alsa, Daıana Súıindikovaǵa «Názik arý» ataǵy berildi. Agrotehnologııa fakýltetiniń túlegi Olga Matıýhınanyń óneri men sulýlyǵyna tańdandy. Olga ekinshi vıse-mıss ataǵyn jeńip aldy. Qyzdardyń barlyǵy da salaýatty ómir saltyn ustanady. Fıtnes-ortalyqtar, bı stýdııalaryna barady. Aralarynda shyǵys jekpe-jegi, karatemen de jattyǵatyndar da bar. Baıqaýǵa qoıylǵan talaptar-sulýlyq, talant jáne shyǵarmashylyq qasıetter. Qazylar alqasynyń quramynda bıznes, Fashion-ındýstrııa, BAQ jáne basqa salalar ókilderine quraldy.
Al, «Ertis arýy-2017» baıqaýynyń bas júldesin memlekettik pedagogıkalyq ınstıtýtynyń stýdenti Sánııa Temirhanova jeńip aldy. Abaıdyń 200-den astam óleńin jatqa biletin Sánııa kez kelgen betti ashqanda alǵashqy shýmaqtan óleńdi sońyna deıin jatqa aıtty. Sánııanyń bul ereksheligi ádilqazylar men kórermenderdi baýrap aldy. Aldaǵy ýaqytta biz gazetimizge Sánııa jaıly tolyq túrde maqala jazamyz.
Farıda Byqaı
«Egemen Qazaqstan»
Pavlodar
Sýretti túsirgen: Rýfına Torpısheva
