Atalǵan nysannyń qurylysy barysynda 6,9 km tarta kóshearalyq gaz qubyrlary salyndy. Eldi mekendegi turǵyndar sany 495 adam. Aýyldaǵy 155 jeke úıdiń 49-y gazǵa qosylǵan, taǵy 4 úıdegi montaj jumystary tolyǵymen aıaqtaldy. Buǵan qosa Voroshılovkada 4 dúken, 1 mektep pen mádenıet úıi bar.
«QazTransGaz» kompanııasy úlken jumys atqardy. Eki jylda oblysta 600 km gaz qubyry salynady, 50 myńnan astam turǵyny bar 8 eldi mekenge gaz beriledi. Osynyń arqasynda gazǵa qosylǵan halyq sany 10% artady», dedi Qostanaı oblysy ákiminiń birinshi orynbasary Ǵaýez Nurmuhambetov.
«QazTransGaz» Aımaq AQ bas dırektorynyń orynbasary Muqan Sádýaqasov Voroshılov aýylynan basqa bıyl taǵy da osy aýdandaǵy Toǵyzaq jáne Denısov aýdanyndaǵy Antonov, Alchanov akýyldary kógildir otynǵa qosylatynyn aıtty.
Názıra Járimbetova
«Egemen Qazaqstan»
Qostanaı oblysy, Qarabalyq aýdany
