Jaqsy dástúr – otbasynyń tiregi

Osy máseleniń sebepterin anyqtaý men sheshý joly tóńireginde óńirimizde oblystyq ishki saıasat basqarmasynyń tapsyrysy boıynsha «Oblystyń aýdan, qalalarynda otbasynyń bedelin kóterý, neke jáne otbasy qundylyqtaryn dá­ripteý jáne qoǵamnyń genderlik má­denıetin arttyrý boıynsha is-sharalar uı­ym­dastyrý» atty áleýmettik jobany jáne Memleket basshysynyń «Bolashaqqa baǵ­dar: rýhanı jańǵyrý» atty maqalasyn na­sıhattaý maqsatynda «Ǵalamat» qo­ǵam­dyq birlestigi «Otyrar» oblystyq ǵy­lymı-ámbebap kitaphanasymen birlesip ob­lystaǵy barlyq qalalyq, aýdan­dyq kitaphanalardyń qatysýymen «Jaq­sy dástúr – otbasynyń tiregi» ta­qy­rybynda kez­desýler ótkizdi.

Bul kez­de­sýlerdiń erek­sheligi – kitaphana qyz­met­kerleriniń u­ı­ymdastyrýymen salt-dástúr men otbasy taqyryby boıynsha kitap kórmelerin já­ne umytylyp bara jatqan salt-dás­túrlerdi qaıta jań­ǵyr­tý maqsatynda kórinister kór­se­tildi. Shymkent qalasynda Otba­sy kúnine oraı­lastyrylǵan kezde­sý «Otyrar» ob­l­ystyq ǵylymı-ám­be­bap kitap­ha­na­syn­da óte mazmundy ót­ti. Kezdesýge ar­­naıy shaqyrylǵan ǵyly­mı-ámbebap kitap­ha­nanyń dırektory K.Aıdarbekova, Ob­lystyq ádet-ǵu­ryp jáne salt-dástúr ortalyǵynyń dı­rek­tory J.Taǵaev jáne atalmysh orta­lyqtyń qyzmetkerleri, oblystyq din ist­eri basqarmasynyń Din máselelerin zert­teý ortalyǵynyń mamany U.Alı­ak­baruly, Oblystyq áıelder keńe­si­niń tóraıymy B.Jandosova, psıholog G.Malǵaıdarova sóz alyp, otbasy jáne onyń qundylyqtary máselesin dinı, áleýmettik-ekonomıkalyq, saıası jáne psıhologııalyq turǵydan jan-jaqty talqylady. Aýdan, qalalarda ótken kezdesýlerge jergilikti turǵyndar, oqyrmandar, stýdentter men oqýshylar, jas jáne kóp balaly otbasylar qatysyp, óz oılarymen bólisip, pikir almasty.

Ardagerler keńesi, Ájeler alqasy mú­sheleri, muǵalimder men ardaqty analar tár­bıe jóninde tájirıbelerimen bólisip, jastarǵa batasyn berdi. Birneshe jyldan beri «Ǵalamat» qoǵamdyq birlestigi daıyndap túsirgen beınerolıkter men beınefılmder kópshilikke usynylyp talqylandy. Beınefılm keıipkerleri kezdesýge arnaıy shaqyrylyp sóz sóılep, ata-babamyzdan kele jatqan salt-dástúrimizdi, ádep-ǵurpymyzdy umytpaýǵa, nası­hat­taýǵa shaqyrdy.

Sonymen qatar joba aıasynda «Oty­rar» telearnasy stýdııasynda Ob­­lys­­tyq áıelder keńesi, «Arýlar» áıel­der klýb músheleri, BAQ ókilderi men jastardyń qatysýymen «Berik otbasy – kúshti memleket» atty telebaıan túsirildi. Bas­qo­sýǵa óńirimizdegi úlgili otbasylar shaqy­ry­lyp, baqytty otbasyn qurý jáne saq­taý máselesi tóńireginde baǵyt-baǵdar berip, keńesterin usyndy. Pedagogtar áýleti Ibashevtar, sportshylar áýleti Tólegenovter otbasyndaǵy ómirlik tá­ji­­rıbeleri jaıynda áńgimelep, bala tár­bıesindegi ózindik erekshelikterimen bó­listi.

Joba aıasynda «Jaqsy dástúr – ot­ba­synyń tiregi» atty aqparattyq-ádis­temelik kitapsha shyǵarylǵan. Ki­tap­sha is-sharaǵa qatysýshylar men ob­ly­sy­myz­daǵy kitaphanalarǵa taratyldy. Osy taqyrypta Shymkent qalasynyń úl­­ken kósheleri boılarynda 2 bılbord ilin­­di. Umytylyp bara jatqan salt-dás­túr, ádet-ǵuryptarymyzdy nasıhattaý ba­ǵy­tynda 2 beınerolık daıarlanyp jer­gi­likti telarnadan kórsetildi. Ot­ba­sy­lyq ta­qyrypta Tassaı eldi mekeniniń tur­ǵyndary Qudaıbergenovter áýleti tý­raly beınefılm túsirildi. Joba boıyn­sha senim telefony qyzmet atqarady. Bú­gin­gi tańda senim telefonyna 50-den asa ot­basylyq jaǵdaı boıynsha suraqtar kelip túsken.

Kelip túsken suraqtarǵa ar­naıy belgilengen maman jaýap berýde. Byltyrǵy jyly senim telefonyna tek oblys turǵyndary qońyraý shalsa, qa­zirde elimizdiń basqa da óńirlerinen su­raqtar men usynystar túsýde. Senim telefony arqyly tirkelgen máseleler respýblıkalyq «Qyzmet» gazetinde jarııalanyp otyrady. Bul atqarylyp jatqan is-sharalardyń negizgi maqsaty qazaq halqynyń tarıhy, mádenıeti men ulttyq salt-dástúrlerin jáne ádet-ǵuryptaryn, qazaqstandyq qo­ǵam­da otbasy ınstıtýtynyń qundy­lyq­taryn keńinen nasıhattaý bolyp tabylady.

Dana MAMANOVA,

«Ǵalamat» qoǵamdyq

birlestiginiń tóraıymy

Ońtústik Qazaqstan oblysy