Qazaqstan • 24 Qarasha, 2017

О́zara is-qımyldyń ózekti máseleleri talqylandy

278 ret

kórsetildi

1 mın

oqý úshin

Qazaqstan Respýblıkasy Prezıdentiniń kómekshisi – Qaýipsizdik keńesiniń hatshysy Vladımır Jumaqanov 22 qarashada Máskeý qalasynda ótken TMD-ǵa múshe memleketterdiń qaýipsizdik qeńesteri hatshylarynyń besinshi kezdesýine qatysty, dep habarlady Prezıdenttiń baspasóz qyzmeti.

Egemen Qazaqstan

О́zara is-qımyldyń ózekti máseleleri talqylandy

Is-shara barysynda delegasııalar basshylary TMD keńistigindegi turaqtylyq pen qaýipsizdikke tónip turǵan qazirgi qaýip-qaterler turǵysynan aımaqtyq ózara is-qımyldyń ózekti máselelerin talqylady. Atap aıtqanda, Aýǵanstandaǵy ahýal men Ortalyq Azııa memleketteriniń qaýipsizdigin qamtamasyz etý jónindegi sharalar, radıkaldyq dinı aǵymdardyń taralýyna qarsy turý, sondaı-aq epıdemıologııalyq qaýipsizdik salasyndaǵy ózara is-qımyl máseleleri qaraldy.

Bıylǵy 23 qarashada Qazaqstan men Reseı qaýipsizdik keńesteri apparattary deńgeıindegi kezekti ekijaqty konsýltasııalar aıasynda V.Jumaqanov reseılik áriptesi N.Patrýshevpen kelissóz ótkizdi.

Qazaqstan men Reseıdegi ultaralyq saıasat salasyn qosa alǵanda ekijaqty qarym-qatynastardyń keń aýqymdy baǵyttary boıynsha pikir almasyldy. Sondaı-aq konsýltasııalar barysynda ekologııalyq qaýipsizdik máseleleri jáne eki el halqynyń densaýlyǵyn saqtaý jónindegi sharalar qarastyryldy.