Onda Q. Qojamjarov sybaılas jemqorlyqqa qarsy qyzmet ofıserlerine Memleket basshysy bergen tapsyrmalardy jetkizdi. «Bizdiń mindet – qoǵam ómiriniń barlyq salalarynda jemqorlyqpen tıimdi kúresýdi qamtamasyz etý», dedi Q. Qojamjarov.
Sondaı-aq tóraǵa, sybaılas jemqorlyqqa qarsy qyzmettiń tıimdi jumys atqarýyna qajetti jaǵdaıy men quraldary bar ekenin atap ótti. Basym mindetterge qylmystyq tizbektiń barlyq quramyn, ıaǵnı oryndaýshydan uıymdastyrýshyǵa deıin áshkereleý qoıyldy. «Elbasy sybaılas jemqorlyqqa qarsy qyzmetke jemqorlyq kórinisterin kim jasasa da, onymen qatal kúresýdi mindet etip qoıdy», dedi ol.
Memlekettiń ekonomıkalyq qaýipsizdigin qamtamasyz etýge erekshe kóńil bólindi. Osy baǵytta Ulttyq bıýroǵa bıýdjet qarajatynyń maqsatty jumsalýyna baqylaýdy kúsheıtý tapsyryldy. «Memlekettiń urlanǵan qarajatyn tolyǵymen óndirýdi qamtamasyz etý kerek. Ol úshin aıypty tulǵalardyń múligine tyıym salý jáne sheteldegi zańsyz aktıvterin anyqtaý máseleleri mańyzdy. Memleket esebinen zańsyz baıyǵan birde-bir tulǵa, urlanǵan qarajatty ne Qazaqstanda, ne shetelde paıdalanýǵa múmkindigi bolmaýy tıis», dedi tóraǵa.
«Egemen-aqparat»
