Al egistik kólemi 49 myń gektarǵa jetip, tamshylatyp sýarý ádisi 624 gektarda qoldanylýda. Bul jetistikterdi aldaǵy jylda da arttyra túsý úshin, aýdanyń potensıalyn barlyq salada tıimdi paıdalýymyz qajet. Búgin bul týraly Saıram aýdanynda ótken «Altyn kúz» merekesine qatysqan oblys ákimi Janseıit Túımebaev málim etti.
О́ńir basshysy aýdanǵa issapary barysynda birqatar áleýmettik nysandardyń jumysymen de tanysty. Sonyń biri – Muhtar Orazalıev atyndaǵy «Ulan» sport kesheni bolatyn. Jobalyq quny 120 mln teńgeni quraıtyn keshen elimizdegi barlyq jastaǵy aıaqdopshylar úshin qolaıly jaǵdaılar jasalǵan. Jalpy alańy 1,5 gektardy quraıtyn nysanda eki úlken, 2 kishi fýtbol alańshalary jumys isteıdi. Munda jas sportshylardyń jyl on eki aı sportpen shuǵyldanýyna barlyq múmkindikter qarastylǵan. 2011 jyly iske qosylǵan keshenniń jaıly qonaq úıi, sportpen shuǵyldaný jáne jýynatyn bólmeleri de bar.
Oblys ákimi jas sportshylardy baýlýǵa úles qosyp otyrǵan keshenniń jumysyna oń baǵasyn berip, áleýmettik az qamtamasyz etilgen otbasy balalaryna da qolǵabys bildirip turýǵa keńes berdi.
Munan soń oblys ákimi nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy negizinde nesıe alǵan jeke kásipker Ýlýgbek Irsalıevtiń sharýashylyǵyna atbasyn burdy. Mal sharýashylyǵyn damytýdy maqsat tutqan kásipker taıaýda «Yrys» shaǵyn nesıe uıymy arqyly 5 mln teńge nesıe alypty. Ol qarjyǵa 34 bas mal satyp alyp, bordaqylapty. Búginde onyń qorasynda 20 bas iri qara mal bar. Nebári 14 sottyq úı irgelik jer telimin tıimdi paıdalanyp otyrǵan kásipkerdi jumysyna razy bolǵan ákim oblystyń ózge turǵyndaryna úı irgelik kásiptiń tıimdiligin úırenýge shaqyrdy.
«Qandaı keremet. Úıińizdiń aýlasy tar bolasa da, tap-tuınaqtaı. Kishkentaı ǵana aýlada baý ósirip, mal bordaqylap tabys taýyp otyrsyzdar. Sondyqtan oblystyń ózge turǵyndaryn osyndaı usaq sharýashylyqtardy erterek meńgerýge shaqyramyn», - dedi Janseıit Qanseıituly.
О́ńir basshysynyń nazarynan «О́rleý» jobasy aıasynda 312 myń teńge kóleminde demeý qarjy alǵan kásipker Nurjan Balabekovtiń tigin sehy da tys qalǵan joq. Bul qarjyǵa ol tigin mashınasy men jip quraldaryn satyp alypty. Munda qazir qyz jasaýyna asa qajetti oıýly kórpe-tósek jabdyqtary ázirlenýde.
