Oblys ákimi Qyrymbek Kósherbaev kompozıtordy shyǵarmashylyq keshimen quttyqtap, jyly lebizin jetkizdi.
«Ilııa Jaqanulynyń 200-ge jýyq ánderiniń kópshiligi halyq áýenderine jaqyn ulttyq dástúrde jazylǵandyqtan tyńdaýshynyń júregine birden jetedi. Árıne, kompozıtordyń shoqtyǵy bıik áni – «Edil men Jaıyq» ekeni belgili. Bul án týraly jerlesimiz, bulbul ánshi Roza Baǵlanova «Edil-Jaıyq – ánniń tóresi» dese, Shota Ýálıhanov «Ilııa Jaqanov Edil men Jaıyqty qatar tolqytyp, qazaqtyń eńsesin kóterdi» dedi. Al, «Tolaǵaı» ánin Elbasymyz súıip tyńdap qana qoımaı, kezdesý sátterinde ózi de oryndaǵan kezderi bar», - dedi oblys ákimi.
Konsertte Ilııa Jaqanovtyń «Edil men Jaıyq», «Jaılaýkól keshteri», «Áselim-ánim», «Tolaǵaı» jáne ózge de ánderi shyrqaldy.
Aımaq basshysy keshte I.Jaqanovpen kezdesý ótkizip, Qyzylorda oblysynyń «Qurmet» gramotasyn tabystady.
