Halyqaralyq dárejedegi sport sheberi atanǵan qos qazaq ulanynyń sportshy retinde ósý joldary, qalyptasý kezeńi, muzaıdyndaǵy jetistikteri týraly fılmdi túsirýshi Japonııa Ulttyq telearnasynyń rejısseri Ýno Soıchero elimizde sport salasyna kórsetiletin memlekettik qamqorlyqqa tańdanysyn jasyrmady. О́ıtkeni short-trek – eń qymbat sport túrleriniń birinen sanalady jáne aqyly bolady. Al Qazaqstanda balalardyń short-trekpen tegin aınalysýyna jaǵdaı jasalǵan.
Short-trekten Qazaqstan Ulttyq quramasynyń bas jattyqtyrýshysy Mádiǵalı Qarsybekov Ońtústik Koreıanyń Phenchhan qalasynda 2018 jyldyń 9-25 aqpan aralyǵynda ótetin HIII Qysqy olımpıadaǵa qatysý úshin 9 lısenzııaǵa qol jetkenin aıtady. Erler arasynda 500 metrlik dıstansııaǵa 3 lısenzııa, 1500 metrge – 1 lısenzııa bolsa, áıelder quramasy 500 metrge – 1, 1000 metrge – 2, 1500 metrge – 2 joldama utyp alǵan.
Short-trekten aldaǵy olımpıada Qazaqstan namysyn naqty qaı sportshylar qorǵaıtyny 10 jeltoqsan kúni sporttyń konkımen syrǵanaý túrleri boıynsha Halyqaralyq Federasııasy otyrysynda jarııalanady.
Qazbek QUTTYMURATULY,
«Egemen Qazaqstan».
Oral
