Málimdemede «Qazaqstan 2017 jylǵy 24 qarashada Mysyrdyń Bır ál-Abd qalasynda ál-Raýda meshitindegi juma namaz kezinde oryn alǵan jáne esh kinásiz beıbit halyq arasynda kóptegen adamnyń ómirin qıǵanterrorıstik aktini qatań aıyptaıdy. Álem taǵy da terrorızm áreketine kýá boldy, onyń uıymdastyrýshylary men súıemeldeýshileri anyqtalyp, qatań jazalanýy tıis» delingen.
Syrtqy ister mınıstrligi Mysyr úkimetine, qaza tapqandardyń otbasy men týystaryna kóńil aıtyp, jaraqat alǵandardyń tezirek saýyǵyp ketýin tilegen.
«Qazaqstan terrorızmniń kezkelgen túri men sıpatyn aıyptaı otyryp, osy jaýyzdyq áreketke qarsy kúresý úshin BUU aıasynda Ǵalamdyq kontrterrorıstik koalısııa qurý arqyly álem qaýymdastyǵynyń ujymdasyp,batyl qımyldaýyn quptaıdy. Biz Halyqaralyq terrorızm jónindegi jalpyǵa ortaq konvensııany jedel túrde qabyldaýǵa shaqyramyz», deıdi SIM.
