Bul oraıda, Ońtústik Qazaqstan oblysynyń ákimi J.Túımebaev azyq-túlik taýarlary baǵalaryn turaqtandyrý jáne taýar óndirýshiler men dıqandarǵa óz ónimderin saýdalaýǵa múmkindik beretin áleýmettik bazar ashý boıynsha tapsyrma bergen bolatyn. «RIC ON KO’RME» atty jármeńkeniń jumys isteı bastaýy da osy tapsyrmanyń oryndala bastaǵanyn ańǵartady. Atalmysh jármeńkeniń ereksheligi – tek qana «Ońtústik» aımaqtyq ınvestısııalyq ortalyǵy jáne «Yrys» mıkroqarjy uıymyarqyly qarjylandyrylǵan taýar óndirýshileri óz ónimderin naryqtan tómen baǵada satýǵa shyǵarady. Olar úshin oryndar tegin berilip, satýshyǵa da, satyp alýshyǵa da barlyq jaǵdaı jasalýda. Jármeńkeniń maqsaty da aıqyn, ıaǵnı aýylsharýashylyǵy taýarlaryn halyqqa óndirýshi baǵasymen tikeleı qoljetimdi etý, kásipkerler, tutynýshylar jáne kompanııa arasyndaǵy úsh jaqty beıresmı qarym-qatynasty nyǵaıtý jáne jaqyndatý, qarjylandyrylǵan jobalardyń ónimderin tanymdy bolýyna yqpal jasaý jáne olardy ilgeriletý.
Jármeńkede 35-40 shaqty kásipker óz taýarlaryn naryqtan tómen baǵamen satylymǵa shyǵarady. Olardyń ishinde azyq-túlik: et jáne sút ónimderi, balyq jáne shujyq ónimderi, jemis-jıdek, kókónister kóp. Odan bólek, jeńil ónerkásiptik taýarlar, qoldan jasalǵan buıymdar, qurylys materıaldary, sondaı-aq balalar úshin oıynshyqtar da bar. Eń bastysy bulardyń bári ońtústikte jasalynǵan. «Ońtústik» aımaqtyq ınvestısııalyq ortalyǵynyń Basqarma tóraǵasy Qýanysh Baıtóre jáne «Yrys» mıkroqarjy uıymynyń dırektory Danııar Arynǵazınnyń aıtýynsha, endi bul jármeńke ər eki aptada bir ret ótkizilip turatyn bolady.
Ǵalymjan ELShIBAI,
«Egemen Qazaqstan».
