Memlekettik hatshyǵa Gvıneıa Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Bangalı Dıakhabı, Panama Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Mıgel Ýmberto Lekaro Barsenas, Malı Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Tıefıng Konate, Horvatııa Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Tonchı Stanıchıch, Kıpr Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Leonıdas Markıdıs, Perý Respýblıkasynyń Qazaqstandaǵy Tótenshe jáne ókiletti elshisi mindetin qosa atqarýshy Lýıs Benhamın Chımoı Arteaga senim gramotalaryn tapsyrdy.
Gvıneıa elshisimen kezdesý barysynda Gúlshara Ábdiqalyqova bıyl Qazaqstan men Gvıneıa arasynda dıplomatııalyq qarym-qatynastyń ornaǵanyna 25 jyl tolǵanyn atap ótti. Gvıneıa Respýblıkasynyń Prezıdenti Alfa Kondeniń Islam yntymaqtastyǵy uıymynyń Ǵylym jáne tehnologııa jónindegi birinshi sammıtine qatysý úshin Astanaǵa kelgeni ekijaqty qarym-qatynastyń mańyzdy oqıǵasy sanaldy.
Panama elshisimen kezdesýde G.Ábdiqalyqova EKSPO bazasynda júzege asyrylatyn Astana halyqaralyq qarjy ortalyǵynyń, BUU-nyń qoldaýymen qurylǵan «Jasyl» tehnologııalar men ınvestısııalardy damytý jónindegi halyqaralyq ortalyqtyń jáne IT-startaptar halyqaralyq tehnoparkiniń jobalary boıynsha yntymaqtasýǵa shaqyrdy.
Memlekettik hatshy Malı Respýblıkasy elshisimen kezdesýde Azyq-túlik qaýipsizdigi jónindegi ıslam uıymyna qosylǵany úshin rızashylyq bildirdi. Jaqynda Qazaqstan Respýblıkasynyń Úkimeti men Azyq-túlik qaýipsizdigi jónindegi ıslam uıymy arasynda osy uıymnyń shtab-páterin Astanaǵa ornalastyrý týraly kelisimge qol qoıyldy. Sondaı-aq, Malı terrorızmge jáne ekstremızmge qarsy is-qımyl máselelerinde mańyzdy ról atqaratynyn aıtty.
Horvatııa Respýblıkasy elshisimen kezdesý barysynda G.Ábdiqalyqova Qazaqstannyń Horvatııany Ońtústik-Shyǵys Eýropadaǵy mańyzdy ári perspektıvaly seriktesiniń biri retinde qarastyratynyn atap ótti. Sondaı-aq, Memlekettik hatshy ekonomıkalyq yntymaqtastyq deńgeıin arttyrý qajettigine kóńil aýdardy. Qazaqstanda shamamen horvatııalyq 30 kompanııa jumys isteıdi. Elder arasyndaǵy taýar aınalymy bıylǵy qańtar-qyrkúıek aralyǵynda 301 mıllıon dollardy qurady. Memlekettik hatshy qazaqstandyq kompanııalardyń joǵary sapaly bıdaı men mal sharýashylyǵy ónimderin jetkize alatynyn aıtty. Horvatııa kompanııalary ındýstrııalandyrýdyń ekinshi besjyldyǵy jobalaryna qatysa alady.
Kıpr Respýblıkasy elshisimen kezdesý barysynda Gúlshara Ábdiqalyqova bizdiń saıası dıalogymyz belsendi saýda-ekonomıkalyq seriktestik arqyly nyǵaıa túsýge tıis ekenin aıtty. Qazaqstan saýda-ekonomıkalyq qarym-qatynasty arttyrýǵa jáne ártaraptandyrýǵa, el ekonomıkasyna Kıpr ınvestısııasyn tartýǵa múddeli.
Memlekettik hatshy Perý elshisimen kezdesýde bul eldiń BUU Qaýipsizdik Keńesiniń 2018-2019 jyldardaǵy turaqty emes múshesi bolyp saılanýymen quttyqtady. Perýdiń uıymǵa múshe bolýy Qazaqstannyń BUU Qaýipsizdik Keńesine 2018 jylǵy qańtardan bastap tóraǵalyq etýimen tuspa-tus kelip otyr.
Rásim sońynda Qazaqstan Respýblıkasynyń Memlekettik hatshysy Gúlshara Ábdiqalyqova elshilerdi Qazaqstandaǵy dıplomatııalyq qyzmetteriniń bastalýymen quttyqtap, sáttilik tiledi.
