Kúzgi-qysqy mezgilderdegi sý júretin aryqtardyń jaǵdaıyn qadalaǵan Semeı qalalyq tótenshe jaǵdaılar basqarmasynyń mamandary Qyzyl Kardon, Shyǵys kenti, Dalnıı aýmaǵy, Zaton aýdandaryn tekserýden ótkizdi. Bul jerdegi aryqtar men sý júretin qubyrlardy kelisimshart boıynsha «Semeı qalasyn abbattandyrý jáne kógaldandyrý» mekemesi qolǵa alǵan.
Qazirgi ýaqytta sý aǵatyn qubyrlardyń ishki tazalyǵy, aǵyn sýdyń arnasymen aǵyp ketý máseleleri nazarda tur. Kún saıyn sý júretin aryqtarda tazalyq jumystary júrip jatyr. Sý ótetin ishki qubyrdyń bitelmeýi, aınalasyndaǵy qoqystardy alyp tastaý, mańyndaǵy ala-qula ósip ketken shópterdi tazalaý da úzilissiz júrgizilýde. Qalalyq tótenshe jaǵdaılar basqarmasynyń mamandary habarlaǵandaı, sý erkin aǵyp ketý úshin qosymsha sharalar qolǵa alyndy.
– Mysaly, Qadyrmanov, Kardonnaıa kósheleri boıynsha 0,3-0,4 metrge deıin sý júretin qubyrlardy ornatý kerek. Al Qanysh Sátbaev kóshesindegi aǵyn sý kiretin qubyrdyń basqy baýlyq tusyn aýystyrý qajet, – dedi tótenshe jaǵdaılar bóliminiń bas mamany D.Toǵambaeva – sondaı-aq turǵyndardyń ózi de tabıǵat apatynyń aldyn alýǵa atsalysýy kerek. Máselen, aryqtardyń qasyna qoqys qaldyqtaryn laqtyrmaǵandary jón. Sebebi aryq kózi bitelip qalsa, qar erigen kezde sý jaıylyp ketý qaýpi bar.
Raýshan NUǴMANBEK
SEMEI
