350-ge jýyq bıznes ókili qatysqan forým barysynda Qazaqstan men Belarýs memleketteriniń ınvestısııalyq múmkindikteri tanystyrylyp, ekijaqty yntymaqtastyq pen olardy damytý joldary talqylandy. Sonymen qatar forým aıasynda eki memlekettiń jeńil ónerkásip, aýyl sharýashylyǵy, azyq-túlik jáne taý-ken óndirisi, metallýrgııa kásiporyndary arasynda ekijaqty iskerlik kezdesýler ótti.
Bir aıta keterligi, Qazaqstan TMD memleketteriniń ishinde Belarýs Respýblıkasynyń negizgi saýda seriktesteriniń úshtigine kiredi. Byltyr eki el arasynda saýda aınalymy 364,5 mln dollardy qurasa, bıylǵy jyldyń alǵashqy 8 aıynda bul kórsetkshi 375,6 mln dollarǵa jetti.
1996 jyldan beri Qazaqstan-Belarýs saýda-ekonomıkalyq yntymaqtastyǵy jónindegi úkimetaralyq komıssııa jumys isteıdi. Bıylǵy jyldyń 21-22 qyrkúıeginde Qaraǵandyda Komıssııanyń 13-shi otyrysy ótken bolatyn.
Gúlnur Qýanyshbekqyzy,
"Egemen Qazaqstan"
Mınsk (Belarýs Respýblıkasy)
