Fılarmonııa ártisteri áýeli Elbasynyń baǵdarlamalyq maqalasynda aıtylǵan ózekti oılardy arqaý ete otyryp, maqaladaǵy «100 jańa esim» jobasyna arnaıy toqtaldy. Atalǵan joba elimizdiń ár salasynda eńbek etip júrgen jastardyń halyqqa keńinen tanylýyna yqpal etetinin de aıtyp ótti. Sonymen qatar olar Elbasy maqalasyndaǵy týǵan jerge tý tigý, ótkendi qurmetteý, baıandy bolashaqqa umtylý sııaqty oılardy da qamtydy. Budan keıin oblystyq fılarmonııa dırektorynyń orynbasary Jandos Omarov sóz alyp, qaıyrymdylyq konsertine jınalǵan mektep oqýshylary men múmkindigi shekteýli jandarǵa alǵysyn bildirdi.
Konsert barysynda Gúlshat Tinásilova, Laýra Beksultanova, Azamat Álmerekov, Perızat Orynbekova, Nurqýat Orynov, Nurgeldi Joldasov, Baldat Beıseqoja jáne ózge de óner ıeleri ánnen shashý shashyp, kópshiliktiń kózaıymyna aınaldy. Aýyl turǵyndary ónerpazdarǵa qoshemet kórsetip, rızashylyqtaryn bildirip jatty. Shara sońynda atalǵan mektep dırektory Aısara Seıdalıeva sóz alyp, Elbasy maqalasynyń máni men mańyzyna toqtalyp, mektep ujymy jáne ata-analar atynan qadirli qonaqtarǵa alǵysyn bildirdi. Sondaı-aq osyndaı qaıyrymdylyq sharasyn dástúrli túrde ótkizip turýǵa usynys jasap, árdaıym qoldaıtynyn da jetkizdi.
Hamıt ESAMAN,
«Egemen Qazaqstan»
Jambyl oblysy
